Kodekstiń jańa jobasy talqylandy

«Nur Otan» partııasy oblystyq fılıalynda «Sot tóreliginiń qoljetimdiligine baǵyttalǵan Qazaqstan Respýblıkasy Azamattyq is júrgizý kodeksiniń jańa redaksııasynyń jobasy» degen taqyrypta dóńgelek ústel ótkizildi. Dóńgelek ústeldi Parlament Májilisiniń Zańnama jáne sot-quqyqtyq reforma komıteti, Qazaqstan Respýblıkasynyń Joǵarǵy Soty, «Nur Otan» partııasy janyndaǵy Quqyqtyq keńes jáne «Qazaqstan zańgerler odaǵy» respýblıkalyq qoǵamdyq keńesi uıymdastyrdy. Dóńgelek ústel jumysyna Parlament Májilisiniń depýtattary, Batys Qazaqstan, Shyǵys Qazaqstan, Atyraý, Mańǵystaý, Qostanaı, Pavlodar oblystarynyń alqa tóraǵalary, jergilikti sottardyń tóraǵalary men sýdıalary, prokýratýra, jergilikti ózin ózi basqarý organdarynyń ókilderi, zańgerler qaýymdastyǵy, úkimettik emes uıymdar ókilderi, ǵalymdar men medıatorlar qatysty. Dóńgelek ústeldiń maqsaty Azamattyq is júrgizý kodeksi jobasynyń jańashyldyqtaryn tájirıbelik turǵydan talqylaý bolyp tabylady. Atap aıtqanda, jıynda bitimgershilik rásimderin sotta qoldaný, sot tóreligine qoljetimdilik, sot isin júrgizýdi jeńildetý jáne jedeldetý, apellıasııalyq, kassasııalyq, qadaǵalaýshy satylardaǵy sot aktilerin qaıta qaraý boıynsha is júrgizý, azamattyq is óndirisindegi prokýror men advokattyń róli, bilikti zań kómegin kórsetý, sotta sarapshynyń qatysýy, sot shyǵyndary, elektrondyq sot óndirisi jáne basqa máseleler talqylandy. Dóńgelek ústelde Parlament Májilisiniń depýtaty, Azamattyq is júrgizý kodeksiniń jańa jobasyn talqylaý jónindegi ju­mys tobynyń jetekshisi Nurlan Ábdirov sóz sóılep, jobanyń eli­miz úshin, halqymyz úshin mańyzy zor ekenin atap ótti. Almatyda ótken dóńgelek ústelge qatysqan adam quqyn qorǵaý jónindegi halyq­aralyq jáne qazaqstandyq uıymdardyń ókilderi Azamattyq is júr­gizý kodeksiniń jańa joba­synyń daıyndalý deńgeıi joǵary dep baǵalaǵanyn jetkizdi. Alaıda, qujatty jan-jaqty talqylap, olqylyǵy bolsa eskerip, túzetetin jeri bolsa túzetý úshin mundaı talqylaýdyń qaıtarymdylyǵyna aıryqsha toqtaldy. Aqtóbe oblystyq sotynyń tóraǵasy Erlan Aıtjanov óziniń sózinde «Azamattyq is júrgizý zańnamasy qoǵamda turaqtylyqtyń kepi­li, zańnyń ústemdigin, aza­mattar men zańdy tulǵalardyń konstıtýsııalyq quqyqtary men bostandyqtaryn múltiksiz saqtaýdy qamtamasyz etýi qajet. Azamattyq is júrgizý kodeksi tek sýdıalarǵa ǵana jazylmaıdy, azamattyq sot óndirisine qatysatyn jaı azamattarǵa da qatysty jasaqtalady. Zań anyq bolyp, qoldanamyn deýshilerge ony ashyp, oqyǵannan keıin ózin proseste qalaı ustaý kerektigin túsinip, óziniń quqyqtary men mindetterin aıqyn bilýi qajet», dedi. Oblys ákiminiń orynbasary Muhtar Jumaǵazıev óz sózinde óńirde sot jáne prokýratýra or­gandarynyń materıaldyq-teh­nı­kalyq bazasyn nyǵaıtýǵa jergi­likti bılik tarapynan qoldaý kór­setilip otyratynyn tilge tıek ete kelip, dóńgelek ústelge qaty­sýshylar jumysyna tabys tiledi. Sharaǵa qatysýshylar Aza­mat­tyq is júrgizý kodeksiniń jańa jobasyna usynylyp otyr­ǵan jańashyldyqtardy jáne olardyń ádiletti sot talqy­laýy­nyń qamtamasyz etýdegi mańyz­dylyǵyn jan-jaqty talqylady, óz oılary men pikirlerin ortaǵa saldy. Dóńgelek ústel jumysynyń qorytyndysy boıynsha tıisti usynymdar ázirlendi. Satybaldy SÁÝIRBAI, «Egemen Qazaqstan». Aqtóbe oblysy.