Statıstıka kórsetkendeı, nesıe alǵan árbir onynshy jastyń qarjylyq jaǵdaıy máz emes.
Búgingi tańda elimizde 18 ben 21 jas aralyǵyndaǵy 847 myń adam turady. Memlekettik nesıe bıýrosynyń derekterine súıensek, 136 239 jas azamat MQU-dan qaryz alǵan. Onyń ishinde 18 638 adamnyń (ıaǵnı 13,7%) bereshegin ótemegenine 90 kúnnen asqan.
2024 jyldyń jazynan bastap nesıe naryǵyndaǵy tártipti qatańdatý úshin birqatar mańyzdy túzetý engizildi. Olardyń ishinde mynadaı tyıymdar bar:
1. Merzimi ótken bereshegi barlarǵa nesıe bermeý: Eger qaryzdyń ótelmegenine 90 kún tolsa, MQU jańa nesıe berýge jáne oǵan paıyz qosýǵa quqyǵy joq.
2. Bıometrııalyq sáıkestendirý: Endi onlaın-kelisimsharttardy qaryz alýshynyń bet-beınesin tanymaıynsha jasaýǵa tyıym salyndy.
3. Sarbazdarǵa jeńildik: Merzimdi qyzmettegi áskerı qyzmetshilerge qyzmet kezeńinde jáne ol aıaqtalǵan soń 60 kún ishinde paıyzdar men negizgi qaryz boıynsha tólemdi keıinge qaldyrý múmkindigi berildi.
4. Paıyzdyq mólsherlemeni tómendetý: Jyldyq tıimdi syıaqy mólsherlemesi 56%-dan 46%-ǵa deıin tómendetildi.
Bıylǵy tamyzdan bastap talaptar taǵy da kúsheıdi. Endi bankte 30 kúnnen astam nemese MQU-da 1 kúnnen astam merzimi ótken bereshegi barlarǵa jańa nesıe berilmeıdi. Sonymen qatar keıingi 3 jylda esepten shyǵarylǵan bereshegi bar azamattar da qaryz ala almaıdy.
«Qabyldanǵan sharalar tutynýshylyq nesıeleýdiń ósýin tejeýge múmkindik berdi: bıylǵy 10 aıda ósim 13,2%-ǵa deıin tómendedi (2024 jylǵy kórsetkish 24,3% bolǵan)», dep atap ótti agenttik ókilderi.
Bolashaqta 20 jasqa tolmaǵan azamattardyń tólem qabilettiligin eseptegende tek resmı tabys kózderi ǵana esepke alynbaq.
