Taıvan jaǵalaýynda bolǵan jer silkinisiniń magnıtýdasy 7,0 baldy qurady. Bul týraly araldyń Ortalyq meteorologııalyq qyzmeti málimdedi. Epısentr soltústik-shyǵystaǵy Ilan ýezi ákimdigi ǵımaratynan shyǵysqa qaraı 32,3 shaqyrym jerde ornalasqan. Jerasty dúmpýleriniń oshaǵy 72,8 shaqyrym tereńdikte tirkelgen.
Taıvan turǵyndary jer silkinisi sátin áleýmettik jelilerde jarııalap jatyr. Bılik ókilderiniń málimetinshe, turǵyn úılerde bolmashy zaqymdar anyqtalǵan. Iаdrolyq nysandar men temirjol ınfraqurylymyna zııan kelmegen.
Sonymen qatar Perý jaǵalaýynda da magnıtýdasy 6,2 baldyq jer silkinisi boldy. Bul týraly Eýropalyq-jerorta teńizi seısmologııalyq ortalyǵy habarlady.
Kaspıı teńizinde jer silkinisi tirkeldi
Mekeme dereginshe, jerasty dúmpýleriniń epısentri halqy 700 myńnan asatyn Trýhılo qalasynan ońtústik-shyǵysqa qaraı 94 shaqyrym jerde ornalasqan. Jer silkinisiniń oshaǵy 66 shaqyrym tereńdikte bolǵan. Qazirgi ýaqytta zardap shekkender men qıraýlar týraly aqparat túsken joq.
Aıta keteıik, Taıvan aýmaǵynda aldaǵy kúnderi qaıtalama dúmpýler bolýy múmkin degen eskertý jarııalandy.
