Ashyq derekkóz
FlightAware portalynyń dereginshe, 8104 reıs keshiktirilip, taǵy 1422 reıs múlde toqtatylǵan.
AQSh-tyń soltústik-shyǵys aımaqtarynda 26 jeltoqsanda qarly boran kúsheıgen. Atap aıtqanda, Nıý-Iork shtatynda bir táýlikte jaýǵan qardyń qalyńdyǵy 15 santımetrge deıin jetken.
Sonymen qatar Reseı astanasyndaǵy áýejaılarda da áýe qatynasy ýaqytsha shekteldi. Máskeýdiń Vnýkovo áýejaıy men Sheremetevo áýejaılarynda ushyp kelý jáne ushyp shyǵý baǵytyndaǵy 270-ten astam reıs keshiktirilgen.
Qaýipsizdikke tóngen qaterge baılanysty 69 áýe kemesi balama áýejaılarǵa baǵyttalsa, 42 reıs tolyqtaı toqtatylǵan.
