Foto: Ǵylym jáne joǵary bilim mınıstrligi
Sondaı-aq jas ǵalym sıkorıı quramynda adam aǵzasynda stress áserinen paıda bolatyn radıkaldarǵa qarsy antıoksıdanttyq belsendiligi bar ekenin de dáıektedi. Bul ósimdiktiń densaýlyqty nyǵaıtýdaǵy áleýeti joǵary ekenin kórsetedi.
Ǵalymnyń aıtýynsha, qazirgi tańda atalǵan ǵylymı joba aıasynda halyqaralyq ǵylymı jýrnaldarda eki maqala jarııalanǵan.
«Biz emdik qasıeti bar ósimdikter arqyly adam aǵzasynda jıi kezdesetin aýrýlarǵa qarsy bıologııalyq belsendi qospalar ázirleýdi maqsat etemiz. Qazirgi ýaqytta sıkorıı ósimdiginiń fıtohımııalyq jáne farmakologııalyq qasıetterin zerttep jatyrmyz. Búginge deıin onyń dıabetke jáne streske qarsy belsendiligi anyqtaldy. Aldaǵy ýaqytta vırýstar men bakterııalarǵa, sonyń ishinde tumaý aýrýyna qarsy áserin zertteýdi josparlap otyrmyz», deıdi Aıjamal Baıseıitova.
Atalǵan ınnovasııalyq joba boıynsha QazUÝ ǵalymdary patent alǵan. Bolashaqta sıkorıı negizinde daıyndalǵan ónimder bıologııalyq belsendi qospa jáne emdik shaı retinde óndirilip, otandyq naryqqa shyǵarý josparlanǵan.
Aıjamal Baıseıitova ál-Farabı atyndaǵy QazUÝ-dyń Hımııa jáne hımııalyq tehnologııa fakýltetinde dáris beredi. Sonymen qatar ýnıversıtet janyndaǵy Dárilik ósimdikterdi ǵylymı-zertteý ortalyǵynda qyzmet atqarady. Ol Ońtústik Koreıadaǵy Kıonsan ulttyq ýnıversıtetinde magıstratýra men doktorantýrada bilim alyp, doktorlyq dárejesin sátti qorǵaǵan.
