Taraz qalasy Jibek joly aýdanyna qarasty Shóldala turǵyn alabynda salynǵan №70 mekteptiń ashylý saltanatyna óńir basshysy Erbol Qarashókeev qatysty. О́ńir basshysy sý jańa oqý ordasynyń pedagogteri sanaly urpaq tárbıeleýdi talmaı eńbek etetinine senim bildirdi.
- Bılik tarapynan bilim berý salasyna aýyz toltyryp aıtarlyqtaı qoldaý kórsetilip jatyr. О́ńirde de ilkimdi ister atqaryldy. «Keleshek mektepteri» ulttyq jobasy aıasynda alty mektep paıdalanýǵa berilip, myńdaǵan oqýshy qaýipsiz ári qolaıly ortada bilim alýda. Bul jobanyń júzege asýy arqyly oblysta úsh aýysymda oqytý máselesi kezeń-kezeńimen sheshimin tabýda. Búgin sol ıgi bastamanyń jalǵasy retinde taǵy bir eńseli mektep óz esigin aıqara ashyp otyr. Bul – jas urpaqtyń sapaly bilim alýyna baǵyttalǵan mańyzdy qadam, – dedi Erbol Qarashókeev.
Jańa bilim oshaǵy keń ári jaıly, zamanaýı oqý qural-jabdyqtarymen tolyq qamtylǵan. Úsh qabatty ǵımaratta 33 oqý kabıneti, májilis zaly, ashana, eki sport zaly, STEM jáne robototehnıka kabınetteri, eki kompıýter synyby, kitaphana, úsh zerthana, úsh sheberhana jáne bes kovorkıng ortalyǵy bar. Qazirgi tańda mektepte 723 oqýshy bilim alyp, 60-qa jýyq pedagog qyzmet atqarady.
Jambyl oblysynda bilim berý salasynda 25 mlrd teńgege 26 nysannyń qurylysy júrgizilýde. Búginge deıin 11 jańa mektep paıdalanýǵa berildi, sonyń ishinde beseýi – «Keleshek mektepteri» jobasynyń talaptaryna saı. Jyl sońyna deıin taǵy 2 nysandy aıaqtaý josparlanyp otyr.
Taraz
