Bul týraly qarjy vıse-mınıstri Erjan Birjanov málimdedi. Onyń aıtýynsha, járdemaqy alýǵa úmitkerler jan-jaqty tekseriledi. Eger aldaǵy ýaqytta áleýmettik kómek alýshylar sany qysqarsa, únemdelgen qarajat esebinen tólemder kólemin arttyrýǵa múmkindik týady.
Vıse-mınıstr 2026 jylǵy bıýdjet jobasynda áleýmettik salaǵa 10,5 trıllıon teńge qarastyrylǵanyn atap ótti. Bul qarjy áleýmettik tólemder men járdemaqylardy shamamen 10 paıyzǵa arttyrýǵa jaǵdaı jasaıdy. Alaıda, onyń sózinshe, áleýmettik qoldaý tek shyn máninde muqtaj azamattarǵa kórsetilýi tıis.
– Qazirgi kezde keıbir azamattar járdemaqy alý úshin zańsyz áreketterge barady. Jalǵan mámileler jasaıdy nemese jalǵan ajyrasýlardy rásimdeıdi. Mundaı faktiler az emes. Sondyqtan Eńbek jáne densaýlyq saqtaý mınıstrligi sıfrlandyrý quraldary arqyly osyndaı jaǵdaılardy anyqtap, negizsiz tólemderdi qysqartatyn bolady, – dedi Erjan Birjanov.
Onyń aıtýynsha, qabyldanyp jatqan sharalar áleýmettik kómektiń naqty zárý jandarǵa jetýin qamtamasyz etýge baǵyttalǵan.
