Sýret: rbc.ru
Jobany «KMG PetroChem» JShS iske asyrady. Kompanııanyń basqarma tóraǵasy Dıaz Dııanovtyń deregine qaraǵanda, qurylys jumysy halyqaralyq konsorsıýmmen birlese atqarylady. Konsorsıýmǵa Italııanyń Tecnimont S.p.A. (Maire toby) jetekshilik etedi. Onyń quramynda CCIC (Lıvan) kompanııasy da bar.
«Gaz óńdeıtin keshenniń qýaty jylyna – 9,1 mlrd tekshe metr. Elimizdiń munaı-gaz hımııasy ónerkásibin damytýǵa serpin beretin nysan qurylysynyń alańynda 22 myńǵa jýyq qada qaǵylady. Qadanyń bári qazaqstandyq óndirýshilerden satyp alynady. Bul joba «Sılleno» kompanııasynyń polıetılen shyǵaratyn zaýytyn jylyna 1,6 mln tonna etanmen qamtamasyz etýge baǵyttalyp otyr. Keshen iske qosylǵan soń jylyna 360 myń tonnaǵa deıin propan óndiredi. Bul fraksııalar «Teńizshevroıl» JShS jetkizetin qurǵaq tazartylǵan gazdan bólinip alynady», deıdi D.Dııanov.
Onyń deregine súıensek, nysan qurylysy kezinde otandyq qamtý úlesin arttyrýǵa basymdyq beriledi. Qurylysqa otandyq kásiporyndar, óndiristik servıster jáne bilikti mamandar tartý kózdelipti.
«Qazaqstan kásiporyndary shyǵaratyn ónimderdi aýqymdy kólemde paıdalaný josparlanyp otyr. Máselen, 1 mln 193 myń tekshe metr ınertti materıal, 27 myń tonnadan astam metall konstrýksııalar, 7 modýldik qosalqy stansa, 62 transformator, 220 kV ashyq taratý qurylǵysy negizgi elektr-tehnıkalyq jabdyqtar, propan saqtaýǵa arnalǵan kóldeneń býllıtter men 4 iri kolonna túrindegi iri tehnologııalyq qurylǵylar satyp alynady. Qurylys jumysy qarqyn alǵan kezde Atyraý jáne Mańǵystaý oblysynyń turǵyndary úshin 3 500-ge deıin ýaqytsha, 400 turaqty jumys orny ashylady», deıdi D.Dııanov.
Atyraý oblysy
