Osy sala qyzmetkerleri bolsa mol qarajattyń bıik belesterge jetkizgendigin kórsete bildi. Joǵaryda aıtqanymyzǵa aıqyn dálel bar. Olaı deıtinimiz – oblystyq bilim berý salasy UBT qorytyndysyna sáıkes osydan tórt jyl buryn respýblıka boıynsha sońǵy oryndardyń birinde qalyp qoıǵan edi. Al sońǵy úsh jylda shyrqaı kóterilip, áýeli altynshy, sodan keıin tórtinshi, al osy jyly birinshi orynǵa taban tiredi. Tórt jyl buryn “Altyn belgi” ıeleriniń sany 13 bolsa, bıyl 54-ke jetti. Ustazdar men oqýshylardy arnaıy qabyldaǵan oblys ákimi Qyrymbek Kósherbaev “Altyn belgi” ıeleriniń barlyǵyna noýtbýk syıǵa tartyp, “Eń úzdik mektep” nomınasııasy boıynsha belgilengen árqaısysy 1 mln. teńgelik júldeni Aqtaý jáne Beıneý ekonomıkalyq lıseıleriniń ókilderine saltanatty túrde tapsyrdy.
Jolaman BOShALAQ, Mańǵystaý oblysy.
8 500 000 000 teńge óńirdi aldaǵy jylytý maýsymyna daıyndaýǵa bólinip otyr. Jetisý halqy ótken qystyń qataldyǵyna syr bermedi. О́ıtkeni, óńirdegi kommýnaldyq sala mamandary óz mindetterine jaýapkershilikpen qarap, kóp qabatty úıler men áleýmettik nysandar otynnan tarshylyq kórmese, jylý júıesinde aqaý kezdespedi. Jaz boıy aldaǵy qysqa daıyndyqtaryn bastaıtyn kommýnaldyq sala mamandary barlyq jylytý qazandyqtaryn jóndeýden ótkizýdi qolǵa alyp, jóndeý jumystaryn júıeli bastap ketti. Aldaǵy jylytý maýsymyna bıýdjetten 8,5 mlrd. teńge bólindi. Osy qarjynyń 5,5 mlrd. teńgesi “Jol kartasy” baǵdarlamasynan, 3,0 mlrd. teńgesi jergilikti bıýdjetten qarastyryldy. Sondaı-aq, “Taldyqorǵanjylýservıs” memlekettik kásiporny 477,0 mln. teńgege qajetti kómir alatyn boldy. Osylaısha kóp qabatty úılerdi qysqa daıyndaý, jóndeý jumystary qatar júrgizilýde.
Kúmisjan BAIJAN, Almaty oblysy.
2 500 000 000 teńge qarjy aýyz sýǵa jumsaldy. “Aýyz sý” memlekettik baǵdarlamasy sheńberinde Sarykól aýdanyna 175 shaqyrym sý qubyry júrgizilmek. Búginge deıin onyń jartysynan astamy tóselip, aýdannyń eldi mekenderi ómir nárimen qamtamasyz etildi. Aýdan turǵyndary osy kezge deıin aýyz sýdy qyp-qyzyl aqshaǵa satyp alyp ishti. Aqshasymen qatar, ony alystan tasýdyń ózi aýyldaǵylarǵa aýyz sýdyń azabyn eselep jiberetin. Osydan jarty ǵasyr buryn Esil ózeninen aýdanǵa tartylǵan sý qubyrynyń merzimi áldeqashan ótip, tozyp ketken. Memleket bólgen orasan mol qarjy bir aýdandy ǵana aýyz sýmen qamtamasyz etýge jumsalýda. Úsh jyl boıy mamandar men jumysshylar ónimdi jańa tehnıkalardyń arqasynda qubyrlar jelisin ár aýylǵa jaqyndatyp keledi. Al ańqasy keýip otyrǵan aýyl sý qubyry jetkende ózgerip sala beredi.
Názıra JÁRIMBETOVA, Qostanaı oblysy.
