Quqyq buzýshylyqtyń jekelegen túrleriniń jalpy kemýi baıqalǵanymen, aýyr qylmystardyń, sonyń ishinde poezdarda jasalý qaýpi, sondaı-aq esirtki quraldary men sýyq qarýdyń zańsyz aınalymy faktileri saqtalyp otyrǵany atap ótildi.
Otyrys barysynda aldyn alý sharalaryn, vedomstvoaralyq is-qımyldy, tyıym salynǵan zattardyń aınalymyna baqylaýdy kúsheıtý, sondaı-aq olardy ótkizýdi jáne jarnamalaýdy júzege asyratyn tulǵalarǵa qatysty den qoıý sharalaryn qabyldaý qajettigine basa nazar aýdaryldy.
Sonymen qatar esirtki qylmysyna, kıberalaıaqtyqqa, temirjol kóligindegi júk urlyǵyna qarsy is-qımyl, poezdar qozǵalysynyń qaýipsizdigin qamtamasyz etý jáne terrorıstik sıpattaǵy jalǵan habarlamalardyń aldyn alý máseleleri qaraldy.
Otyrys qorytyndysy boıynsha jolaýshylardyń qaýipsizdigin qamtamasyz etýge jáne kólik ınfraqurylymy nysandarynda quqyqtyq tártipti nyǵaıtýǵa baǵyttalǵan usynystar ázirlendi.
