Sınoptıkterdiń boljamynsha, Aqmola, Pavlodar, Qaraǵandy jáne Ulytaý oblystarynda qolaısyz aýa raıy erteń de saqtalady. Eldiń soltústiginde, shyǵysynda jáne ortalyǵynda aýa temperatýrasy +3 gradýsqa deıin jylynady.
Al ońtústik óńirlerde kún +15°C-qa deıin ysýy múmkin.
Osyǵan baılanysty QazAvtoJol bes oblysta Aqmola, Batys Qazaqstan, Qaraǵandy, Pavlodar jáne Jetisý óńirlerinde jol qozǵalysyn ýaqytsha shektedi.
Jalpy sany 9 respýblıkalyq mańyzy bar avtojol jabylǵan. Aldyn ala málimet boıynsha, joldardy erteń tańǵy saǵat 8:00-de ashý josparlanyp otyr. Joldardy kútip ustaýǵa 862 arnaıy tehnıka jumyldyrylǵan.
Sonymen qatar, aýa raıynyń qolaısyzdyǵyna baılanysty Astana áýejaıynyń qyzmetteri kúsheıtilgen rejımde jumys isteýde. Qazirgi tańda áýejaıda 4 reıs ushýǵa, 11 reıs qonýǵa keshiktirilgen.
