Taraz garnızonynyń taý qoryqshylary jeke polki aýmaǵynda ornalasqan eskertkishtiń saltanatty ashylý rásimine Qorǵanys vedomstvosynyń basshysy avıasııa general-leıtenanty Dáýren Qosanov bastaǵan polk basshylyǵy, jeke quramy jáne birqatar Qarýly kúshterdiń ardagerleri qatysty.
Qorǵanys mınıstri óz sózinde Jambyl oblysy Álisher Qyryqbaıuly, Áýesbaı Kómekbaıuly, Ámir Jańabaıuly, Maqsat Turaruly, Muhıt Balmaǵambetuly, Tileýjan Qýatjanuly jáne Maqsat Qurmanǵazyuly syndy batyrlarymen maqtana alatynyn atap ótti.
Onyń aıtýynsha, bul batyrlar – óz halqyna adal qyzmet etken, Otan qorǵaǵan naǵyz patrıottar. Qazaqstandyqtar erjúrek jaýyngerler men Baýyrjan Momyshulynyń erligin umytpaıdy. Oǵan Halyq qaharmany ataǵynyń berilýi – halyqtyń batyrdyń erligine degen zor qurmetiniń aıqyn kórinisi.
Esterińizge sala ketsek, 2025 jyldyń 25 jeltoqsanynda Uly Otan soǵysyndaǵy kórsetken erligi men batyldyǵy úshin Qazaqstan Respýblıkasynyń Prezıdenti Qasym-Jomart Toqaevtyń Jarlyǵymen Baýyrjan Momyshulyna Halyq qaharmany ataǵy berilip, erekshe aıyrym belgisi – Altyn Juldyz ben «Otan» ordeni tapsyryldy.
Jambyl oblysy
Jýaly aýdany
