Ǵımarattyń saltanatty ashylý rásimine Qazaqstan Respýblıkasynyń Qorǵanys mınıstri Dáýren Qosanov pen Jambyl oblysynyń ákimi Erbol Qarashókeev qatysty.
Oblys ákimi quttyqtaý sózinde Memleket basshysynyń tapsyrmasyna sáıkes aýmaqtyq qorǵanys brıgadasynyń 99205 áskerı bóliminiń jaýyngerlik daıyndyǵyn qamtamasyz etýge jáne materıaldyq-tehnıkalyq bazasyn nyǵaıtýǵa erekshe kóńil bólinip otyrǵanyn atap ótti.
Bıyl oblystyq bıýdjetten 182 mln teńge bólinip, bir oqý-jattyǵý jıyny ótkizildi, sondaı-aq qajetti materıaldyq-tehnıkalyq múlikter satyp alyndy. Keler jyly bul maqsatqa oblystyq bıýdjetten 116 mln teńge qarastyrylǵan.
Saltanatty is-shara barysynda qatysýshylar nysannyń lentasyn qıyp, kazarma ǵımaraty men áskerı tehnıka kórmesin aralap kórdi.
Quny 2,2 mlrd teńgeni quraıtyn kazarmanyń qurylysy 2024 jyly bastalyp, tolyq aıaqtaldy. Qazirgi tańda aýmaqtyq qorǵanys brıgadasynyń jeke quramy jańa ǵımaratqa ornalastyryldy.
