JERGILIKTI KÁSIPKERGE JEŃILDIK

Qyzylordada sheteldermen taý­ar qatynasy jyl saıyn artyp keledi. Indýstrııalyq-ınnovasııa­lyq damý baǵdarlamasy aıasyndaǵy jobalar syrtpen baılanystyń ja­ńa kózderin ashýda. Bir ǵana “Ba­tys Evropa-Batys Qytaı” avtojo­ly­nyń 800-den asa sha­qyrymyn quraıtyn bóligi oblys­tyń barlyq aýdandarynan derlik ótedi. Al bul jol qurylysy qa­jetti taýardyń da, arnaıy tehnı­kanyń da tasqy­nyn molaıtýda. Munan basqa, jer­gilikti shıkizat ónimderin óńdeý men usynýǵa ar­nalǵan bıznes jo­balar da jetki­likti. Mine, osyndaı iri sha­ralardyń salmaqty júgin jeńil­detýge eleýli úles qosatyn jańalyq – Aral jáne Shıeli aý­dandarynyń ortalyǵyndaǵy keden beketteriniń avtomattandyrylýy. Buǵan deıin bul beket qyzmet­kerleri jergilikti kásipkerlerge kedendik resimdeý jáne baqylaý amaldary boıynsha keńes berip qana kelse, endi olar­dyń taýaryn oblys ortalyǵyna ta­symaı, osy jerde resimdeıtin bo­lady. Jańa­qorǵan, Shıeli aýdanda­ry­nyń kásipkerleri Shıeliniń orta­ly­ǵyndaǵy, al Qazaly men Aral aýda­ny­nyń syrtqy elmen taý­ar qatynatatyn tulǵalary Aral­dyń ortalyǵyndaǵy ke­den beke­t­te­rinen taýaryn resimdep, kel­gen júk­ti birden óz óndirisine orna­las­tyratyn múmkindik aldy. Kedendik resimdeý men baqylaý amaldaryn jetik meńgergen qyzmetkerler osy beket­ter­de alǵashqy resimdeý amal­daryn jasap ta úlgerdi. Shıeli­lik­ter ken ornynan alynatyn suıyq natrdy eksporttasa, qazalylyqtar ımporttalatyn qurylys materıal­daryn ótkizip jatyr. Kedenshilerdiń aldynda jáne bir mindet – resimdeýdiń tıimdi amaldary men ádisterin paıdalaný týraly olarǵa keńes berý, nasıhat júrgizý tur. Kóp uzamaı, eldegi ká­sip­kerler eleýli jeńildikti sezi­netin bolady. Eń bastysy, jergilikti kásip­ker­diń ýaqyty men qarjysy únem­de­letin boldy. Erkin ÁBIL, QYZYLORDA.