Qazaqstan bastamasy: Jahandyq eriktiler jyly

Prezıdent álemdik yntymaq­tastyqty nyǵaıtýǵa septese­tin usynysty osydan 6 jyl buryn BUU-nyń 75-sessııasynda jalpy saıası pikirtalas barysynda kóterdi. Adamgershilik qundylyqtardy dáripteıtin qujattyń teń avtorlyǵyna bas-aıaǵy 54 memleket te qosyldy.

Qasym-Jomart Toqaev volonterlik qyzmetti Ádiletti Qazaqstandy qurýdyń mańyzdy tiregi dep sanaıdy. Memleket basshysy «Eriktiler – adamgershilik qundylyqtardy tý etken, memleket pen qoǵam arasyndaǵy senimdi seriktestikti nyǵaı­ta­tyn shynaıy patrıottar. Janqııarlyq pen meıirimdilik – qazaq halqyna tán qasıet, osy qundylyqtardy jas urpaqtyń bo­ıyna sińirý mańyzdy», dep únemi aıtyp keledi.

Halyqaralyq jyl aıasynda byltyr elimizde alǵashqy jartyjyldyqta volonterlerdiń qatysýymen 27 myńnan asa is-shara uıymdastyryldy. «Igi ister marafony» jobasy da qoǵam tarapynan keń qoldaý tapty. Otandastarymyz áleýmettik, ekologııalyq jáne mádenı baǵyttardy qamtyǵan 9 myńnan asa ıgi is atqaryp, jobaǵa 40 myń azamat qatysty.

Sonymen qatar Memleket basshysynyń bastamasymen TMD Úkimet basshylary keńesiniń sheshimi boıynsha jyl saıynǵy Dostastyq elderi volonterleriniń forýmy uıymdastyrylatyn boldy. Oǵan saı ereje ázirlenip, onyń negizinde jyl saıynǵy Volonterler forýmy quryldy. Alǵashqy forým bıyl Astana qalasynda ótedi.

Buǵan qosa respýblıkanyń túrli aımaqtarynda 10 maqsatty toptyń kezdesýi ótti. Tolyq qarjylandyrý baǵdarlamasy aıasynda 2025 jyly Kenııa, Túrkııa jáne Taıland elderine 7 qazaqstandyq volonter baryp, kúni búginde óz jumysyn abyroımen atqaryp jatyr.

Volonterler qarttar jáne balalar úılerinde kómek kórsetip, qutqarý jumystary­nan bastap oqytý jobalaryna deıin túrli salada belsendilik tanytyp júr. Esesine 2025 jyly eldegi volonterler sany 300 myń­ǵa jýyqtady. Olardyń qata­rynda 6 myń «kúmis» volonter jáne 810-nan asa volon­ter­­­­lik uıym bar.

Jalpy, el aýmaǵynda volon­terlik bastamalar qatary kóbeıdi. Jaqsylyq jasaýǵa umtylǵan, qoǵamǵa paıdasyn tıgizýdi maqsat etken belsendi azamattar da jyl sanap artyp keledi. El kóleminde Ulttyq front-keńse men 20 óńirlik front-keńse jumys isteıdi, biryńǵaı Call-ortalyq qyzmet kórsetedi jáne Qazvolunteer.kz ulttyq onlaın-platformasy iske qosylǵan. Osyndaı júıeli jumystyń arqasynda byltyr 56 volonterlik joba iske asyrylyp, jergilikti bastamalardy damytý úshin 60 shaǵyn grant bólindi. Osy jyly da Qazaqstan volonterlik qozǵalystyń negizin nyǵaıtýdy jalǵastyra beredi.