Álem • 02 Qańtar, 2026

Shveısarııadaǵy taý kýrortynda 40 adam órtenip ketti

20 ret

kórsetildi

1 mın

oqý úshin

Jańa jyl túni Shveısarııanyń ońtústigindegi taý-shańǵy kýrortynda iri órt boldy. Tilsiz jaý Kran-Montanadaǵy Le Constellation nysanynda tutanǵan, dep habarlaıdy Egemen.kz.

Qyrmyzy JUMAǴALIQYZY

Shveısarııadaǵy taý kýrortynda 40 adam órtenip ketti

Foto: Ashyq derekkóz

Vale kantony polısııasynyń shefi Frederık Gıler ótkizgen baspasóz máslıhatynda sońǵy málimetterdi jarııalady. Onyń aıtýynsha, apat saldarynan 40 adam qaza taýyp, 115 adam túrli dárejedegi jaraqat alǵan.

Polısııa basshysy qaza tapqandar men aýyr jaraqat alǵandardy taný (ıdentıfıkasııalaý) jumystary biraz ýaqytqa sozylatynyn eskertti. Qurbandardyń arasynda Shveısarııa azamattarymen qatar sheteldik týrıster de bar.

60 adam Vale kantonynyń astanasy Son qalasyndaǵy aýrýhanaǵa jetkizildi. Qalǵandary Jeneva, Lozanna, Bern jáne Sıýrıh qalalaryndaǵy mamandandyrylǵan klınıkalarǵa jóneltilgen. Kórshiles Fransııa, Germanııa jáne Italııa elderi zardap shekkenderdi emdeýge kómek usynyp otyr.

Memleket basshysy Shveısarııa Prezıdentine kóńil aıtty

О́rt jergilikti ýaqyt boıynsha túngi 01:30-da bastalǵan. Oqıǵa kýágerleriniń aıtýynsha, órtke qarapaıym abaısyzdyq sebep bolǵan. Mereke kezinde shampan bótelkesine salynǵan otshashý (feıerverk) jaǵylyp, ol tóbege tym jaqyn ustalǵan. Saldarynan ot shatyrǵa tıip, sanaýly sekýndtar ishinde búkil ǵımaratty sharpyp ketken.