Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2015 jyldyń sáýir – maýsymynda jáne qazan – jeltoqsanynda merzimdi áskerı qyzmetke kezekti shaqyrý týraly
«Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy Qazaqstan Respýblıkasynyń Zańyna sáıkes qaýly etemin:
- Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshiler 2015 jyldyń sáýir – maýsymynda jáne qazan – jeltoqsanynda Qazaqstan Respýblıkasy Qarýly Kúshteri, Qazaqstan Respýblıkasy Ishki ister mınıstrligi, Qazaqstan Respýblıkasy Ulttyq qaýipsizdik komıteti, Qazaqstan Respýblıkasy Memlekettik kúzet qyzmeti qatarynan zapasqa shyǵarylsyn.
- Áskerge shaqyrýdy keıinge qaldyrýǵa nemese odan bosatylýǵa quqyǵy joq on segiz jastan jıyrma jeti jasqa deıingi er azamattar, sondaı-aq oqý oryndarynan shyǵarylǵan, jıyrma jeti jasqa tolmaǵan jáne áskerge shaqyrý boıynsha áskerı qyzmettiń belgilengen merzimderin ótkermegen azamattar 2015 jyldyń sáýir – maýsymynda jáne qazan – jeltoqsanynda Qazaqstan Respýblıkasy Qarýly Kúshterine, Qazaqstan Respýblıkasy Ishki ister mınıstrligine, Qazaqstan Respýblıkasy Ulttyq qaýipsizdik komıtetine, Qazaqstan Respýblıkasy Memlekettik kúzet qyzmetine merzimdi áskerı qyzmetke shaqyrylsyn.
- Jergilikti atqarýshy organdar tıisti jergilikti áskerı basqarý organdary arqyly 2015 jyldyń sáýir – maýsymynda jáne qazan – jeltoqsanynda azamattardy merzimdi áskerı qyzmetke shaqyrýdy júrgizýdi uıymdastyrsyn jáne qamtamasyz etsin.
- Qazaqstan Respýblıkasynyń Úkimeti, Qazaqstan Respýblıkasy Ulttyq qaýipsizdik komıteti, Qazaqstan Respýblıkasy Memlekettik kúzet qyzmeti merzimdi áskerı qyzmetti ótkerý úshin Qazaqstan Respýblıkasy Qarýly Kúshterine, Qazaqstan Respýblıkasy Ishki ister mınıstrligine, Qazaqstan Respýblıkasy Ulttyq qaýipsizdik komıtetine, Qazaqstan Respýblıkasy Memlekettik kúzet qyzmetine áskerge shaqyrylǵan Qazaqstan Respýblıkasynyń azamattaryn jóneltýdi jáne merzimdi áskerı qyzmettiń belgilengen merzimderin ótkergen áskerı qyzmetshilerdi bosatýdy qarjylaı jáne materıaldyq qamtamasyz etýdi uıymdastyrsyn.
- Osy Jarlyq alǵashqy resmı jarııalanǵan kúninen bastap qoldanysqa engiziledi.
