Endi kólik salyǵyn esepteý kezinde avtokóliktiń paıdalanylǵan merzimine qaraı tómendetý koeffısıentteri qoldanylady. Atap aıtqanda, paıdalanylǵanyna 10 jyldan 20 jylǵa deıingi avtokólikter úshin koeffısıent – 0,7, al 20 jyldan asqan kólikterge – 0,5 bolyp belgilendi.
Bul olardyń ıeleri úshin tıisinshe 30 jáne 50 paıyzdyq salyqtyq jeńildik qarastyrylǵanyn bildiredi.
Sonymen qatar, qozǵaltqysh kólemi 3-4 lıtr aralyǵyndaǵy avtokólikter úshin salyq mólsherlemesi 15 aılyq eseptik kórsetkishti quraıdy. Al qozǵaltqysh kólemi 4 lıtrden asatyn kólikterge 117 AEK mólsherinde salyq salynady. Bul somalar da kóliktiń shyqqan jylyna qaraı túzetiledi.
Budan bólek, quny 18 000 AEK-ten (77,8 mln teńgeden) asatyn jeńil avtokólikterge 10 paıyzdyq aksız engiziledi. Bul talap kólikti alǵash tirkeý kezinde de, el ishinde qaıta satý barysynda da qoldanylady.
