«Qazgıdromet» RMK mamandarynyń málimetinshe, aldaǵy kúnderi Qazaqstan aýmaǵy arqyly Jerorta teńizi jaqtan kelgen jańa sıklon ótedi. Osyǵan baılanysty respýblıka boıynsha qar, boran, jańbyr men qar aralas jaýyn-shashyn, sondaı-aq kóktaıǵaq pen tuman kútiledi.
Sınoptıkterdiń boljamynsha, soltústik-batysta 3 qańtar kúni qatty qar jaýady, al 5 qańtarda ońtústik-shyǵysta jaýyn-shashyn kúsheıedi. Keı óńirlerde jel ekpini artyp, aýa raıy qolaısyz bolady.
Boljamǵa sáıkes, eldiń kóp bóliginde qar men boran, batys, ońtústik jáne ońtústik-shyǵysta jańbyr men qar aralas jaýyn-shashyn jaýady.
Sondaı-aq respýblıka boıynsha kóktaıǵaq, tuman jáne jeldiń kúsheıýi boljanyp otyr.
Sınoptıkter aýa temperatýrasynyń birqatar óńirde ózgeretinin atap ótti.
Temperatýra batysta kóterilýi múmkin: batys óńirlerde túnde 0…–8°C, kúndiz –2…+5°C.
Temperatýranyń tómendeýi boljanady:
– Ortalyqta túnde –10…–18°C, kúndiz –5…–12°C;
– Ońtústikte túnde 0…–10°C, kúndiz –6…+2°C;
– Ońtústik-shyǵysta túnde 0…–5°C, taýly aımaqtarda –8…–13°C, kúndiz –2…+3°C, taýda –5…–10°C.
Al shyǵys óńirlerde túngi ýaqytta aýa temperatýrasy –5…–13°C-qa deıin kóterilip, kúndiz –10°C-qa deıin tómendeıdi.
«Qazgıdromet» ókilderi turǵyndardy aýa raıynyń kúrt ózgerýine baılanysty jolǵa shyqqanda saq bolýǵa, ásirese kóktaıǵaq pen boran kezinde qaýipsizdik sharalaryn qatań saqtaýǵa shaqyrady.
