foto: ashyq derekkóz
Jergilikti turǵyndardyń aıtýynsha, soqqylar Karakastyń ońtústigindegi Fort-Tıýna aýdanyna jáne Fransısko de Mıranda avıabazasyna baǵyttalǵan. Sondaı-aq eldiń soltústiginde ornalasqan La-Gýaıra áskerı-teńiz bazasy da shabýyl nysanasyna ilikkeni habarlandy.
Kýágerler aspanda amerıkalyq desanttyq tikushaqtardyń ushqanyn baıqaǵan. Buǵan jaýap retinde Venesýela Áýe kúshteri Sý-30MKV joıǵysh ushaqtaryn áýege kóterip, tosqaýyl qoıýǵa kirisken. Sonymen qatar aýyr júk tasymaldaıtyn Chinook tikushaqtarynyń da paıdalanylǵany týraly aqparat tarady.
Jergilikti buqaralyq aqparat quraldary astanada atys dybystary estilip jatqanyn habarlap, aldyn ala málimet boıynsha amerıkalyq desant túsirilýi múmkin ekenin jazýda.
AQSh prezıdenti Donald Tramp tarapynan arnaıy áskerı operasııanyń bastalǵany jóninde resmı málimdeme jasalǵan joq. Venesýela men AQSh-tyń resmı bılik ókilderi de ázirge túsinikteme bergen joq.
