foto: ashyq derekkóz
Zeınetaqy annýıteti degen ne?
Bul azamat pen saqtandyrý kompanııasy arasyndaǵy kelisimshart. Oǵan sáıkes, azamat zeınetaqy jınaqtarynyń bir bóligin bir rettik tólem retinde saqtandyrý kompanııasyna aýdarady, al kompanııa ómiriniń sońyna deıin oǵan aı saıyn zeınetaqy tóleýge mindetteledi.
Qalaı jumys isteıdi:
1. Azamat saqtandyrý kompanııasymen zeınetaqy annýıteti týraly kelisimshart jasaıdy.
2. Biryńǵaı jınaqtaýshy zeınetaqy qoryndaǵy (BJZQ) jınaqtarynyń bir bóligin sol kompanııaǵa aýdarady.
3. Saqtandyrý kompanııasy sol azamatqa ómir boıy aı saıyn belgilengen mólsherde zeınetaqy tólep otyrady.
Bul – uzaq ómir súrgen jaǵdaıda da zeınetaqydan aıyrylyp qalmaýdyń bir joly, ıaǵnı qarttyqty qarjylaı qamtamasyz etýdiń senimdi tásili.
«Zeınetaqy, járdemaqy, aıyppul»: 2026 jyl el turǵyndaryna qandaı ózgeris ákeledi?
Annýıtettiń máni nede?
Azamat óz zeınetaqy jınaǵyn saqtandyrý kompanııasyna aýdarady da ómir boıy aı saıyn tólem alyp otyrady. Bul tólemderdiń mólsheri aldyn ala belgili jáne kelisimshartqa tirkeletin tólem kestesinde kórsetiledi.
Mundaı tólemderdiń eń tómengi mólsheri kúnkóris mınımýmynyń kem degende 70%-yn quraıdy. Bul annýıtetti Biryńǵaı jınaqtaýshy zeınetaqy qorynan (BJZQ) tólenetin zeınetaqymen salystyrǵanda turaqtyraq etedi, óıtkeni BJZQ-daǵy tólemder shottaǵy qarajat taýsylǵan kezde toqtaıdy.
Eger kelisimshartta kepildendirilgen tólemder qarastyrylǵan bolsa, salymshy qaıtys bolǵannan keıin bul tólemder kelisimshartta kórsetilgen tulǵaǵa – mysaly, týysyna nemese basqa tańdaǵan adamǵa – beriledi.
Zeınetaqyny alý tártibi ózgerýi múmkin
Jańa erejege sáıkes ne ózgeredi?
Jańa túzetýler qabyldanǵannan keıin azamattar mynadaı múmkindikterge ıe bolady:
- Bir rettik tólem retinde nemese aı saıynǵy tólem túrinde qalǵan kepildendirilgen tólem somasyn alý tásilin tańdaı alady.
- Saqtandyrý tólemderin alýshyny kelisimshart sharttaryn ózgertpeı-aq aýystyra alady. Burynǵy alýshy qaıtys bolǵan jaǵdaıda nemese salymshy tólemderdi basqa týystaryna, mysaly, nemerelerine baǵyttaı alady.
Osylaısha, jańa erejeler annýıtetti ıkemdirek etip, azamattarǵa otbasynyń qarjylyq qorǵanysyn óz betinshe basqarýǵa múmkindik beredi.
Eger salymshyǵa saqtandyrý jarnasynyń jetpeıtin bóligin tóleý qajet bolsa, endi zańnamada bul naqty kórsetiledi: bul soma tolyq kólemde jáne bir rettik tólemmen engizilýi tıis. Bul esepteýlerdi jeńildetip, saqtandyrý kompanııasymen kelispeýshilikterdi boldyrmaıdy.
Uchet.kz-tiń jazýynsha osy ózgeristerdiń nátıjesinde pensıondyq annýıtet ashyq jáne yńǵaıly jınaqtaý quralyna aınalady:
- azamat aldyn ala qansha alatynyn biledi;
- tólemderdi týystaryna tapsyrýǵa bolady;
- ómirlik jaǵdaılarǵa baılanysty shartty ózgertý múmkindigi bar;
- annýıtet boıynsha tólemder turaqty ári eń tómengi kúnkóris deńgeıinen joǵary bolady.
Sondyqtan pensıondyq annýıtet jaı ǵana «zeınetaqy» emes, qarjylyq josparlaý men muragerlikke berý múmkindigi bar quralǵa aınalady, bul salymshylar men olardyń otbasylary úshin paıdaly bolmaq.
