Álem • 05 Qańtar, 2026

Phenıan AQSh-tyń Venesýeladaǵy áreketinen seskene me?

21 ret

kórsetildi

2 mın

oqý úshin

Soltústik Koreıa gıperdybystyq zymyrandardy sátti ushyryp, álemdik qaýymdastyqty taǵy da eleń etkizdi. Kım Chen Ynnyń qatysýymen ótken bul synaqtar AQSh-tyń Venesýeladaǵy áskerı operasııasymen jáne Nıkolas Madýronyń sotqa tartylýymen tuspa-tus kelip otyr, dep habarlaıdy Egemen.kz.

Qyrmyzy JUMAǴALIQYZY

Phenıan AQSh-tyń Venesýeladaǵy áreketinen seskene me?

Foto: STAK

QHDR Ortalyq telegraf agenttigi (STAK) habarlaǵandaı, zymyran synaǵyn el basshysy Kım Chen Yn jeke ózi qadaǵalaǵan. Soltústik Koreıa lıderi bul qadamdy «ıadrolyq tejeýdi joǵary deńgeıge jetkizý» jáne «ózin-ózi qorǵaýdyń qajetti sharasy» dep atady. Kım Chen Yn álemdegi qazirgi geosaıası daǵdarystyń shabýyldaýshy qarý-jaraq júıesin damytýǵa májbúrlep otyrǵanyn jetkizdi.

AQSh Venesýelanyń astanasy Karakasqa áýe soqqylaryn jasady

Reuters agenttiginiń sarapshylary bul synaqty Phenıannyń Vashıngtonǵa bergen sesi dep baǵalaıdy. Koreı ulttyq birigý ınstıtýtynyń mamany Hon Mınniń aıtýynsha, Kım Chen Ynnyń «sońǵy daǵdarys» týraly sózi AQSh-tyń Venesýelaǵa jasaǵan áskerı soqqylaryna tikeleı qatysty.

BUU qaýipsizdik keńesi Venesýeladaǵy jaǵdaıǵa baılanysty shuǵyl otyrys ótkizedi

Aıta keteıik, bul synaqtar Venesýelanyń burynǵy prezıdenti Nıkolas Madýro men onyń jubaıy AQSh-qa jetkizilip, 2026 jyldyń 5 qańtarynda federaldy sot aldynda jaýap beretin sátte oryndaldy. Donald Tramp ákimshiligi Venesýelaǵa qarsy jańa áskerı sharalardy qoldanýdy jalǵastyrýy múmkin.

Venesýela kóshbasshysy búgin sotqa tartylady

Sonymen qatar zymyran ushyrý sáti Ońtústik Koreıa Prezıdenti Lı Chje Mıonnyń Qytaıǵa saparymen jáne Sı Szınpınmen kezdesýimen sáıkes keldi. Bul aımaqtaǵy shıelenisti odan ári arttyra tústi. Eýropalyq Odaq bolsa, halyqaralyq quqyqty saqtaı otyryp, jaǵdaıdy beıbit jolmen sheshýge shaqyryp jatyr.