Transferler arasynda Aleksandr Marochkınniń óz komandasyna qaıta oralǵanyna basa nazar aýdara ketken jón. Qostanaı oblysyna qarasty Arqalyq qalasynyń týmasy 2020-2023 jyldar aralyǵynda «Tobylda» oınady. Odan keıin Qyzylordanyń «Qaısary» men «Astananyń» namysyn qorǵady. Tasqamal qorǵaýshy Qazaqstan ulttyq qurama komandasy sapynda 50-den asa oıyn ótkizdi. Mine, endi araǵa biraz ýaqyt salyp 35 jastaǵy Marochkın týǵan ólkesine qaıta oraldy.
FIFA shekteý engizdi: Qostanaıdyń «Tobyly» sanksııaǵa ilikti
Sonymen qatar, «Tobyl» qaqpashy Sultan Busyrmanov, qorǵaýshy Marko Výkchevıch jáne jartylaı qorǵaýshy Ashat Taǵybergenmen kelsimshartty uzartty. Taǵy bir aıta keterlik jaıt, osy komandanyń serkeleriniń biri, vınger Islam Chesnokov qostanaılyqtarmen qosh aıtysyp, kelesi maýsymdy Shotlandııanyń «Harts» klýbynyń sapynda ótkizedi.
