Foto: Ru.freepik.com
Kúdiktilerdiń zańsyz áreketi Shymkent qalasy boıynsha óńirlik ókil Nurjan Ábdezovtyń azamattardy qabyldaý kezinde áshkere bolǵan.
Qabyldaýǵa kelgen sottalǵan azamat 2025 jyldyń maýsym aıynda mekeme qyzmetkerleri azaptaǵanyn aıtqan.
Sonymen qatar qabyldaý barysynda taǵy bir sottalǵannyń soqqyǵa jyǵylyp, saldarynan jaq súıeginiń synǵany anyqtaldy.
Atalǵan isterge baılanysty óńirlik ókil jedel túrde tıisti áreket etý sharalaryn qabyldaǵan. Nátıjesinde medısınalyq kómekti ýaqtyly kórsetpegeni úshin medısına qyzmetkerleri jaýapkershilikke tartylyp, mekeme qyzmetkerleri tergelgen.
Quqyq qorǵaý ınstıtýty mekeme qyzmetkerleriniń áreketterinde azaptaý belgileriniń bolýyna baılanysty olardyń áreketterin qaıta qaraý jóninde joǵary qadaǵalaý organyna júgingen. Bas prokýratýra atalǵan ustanymdy qoldap, ótken jyldyń sońynda sotqa deıingi tergep-tekserýdi qaıta saralap, mekemeniń úsh qyzmetkeri qamaýǵa alynǵan.
Buǵan deıin memlekettik qupııany jarııa etken Pavlodardaǵy túzeý mekemesiniń bastyǵyna qatysty sot úkimi shyqqanyn jazǵanbyz.
