Jyldyń eń juldyzdy premerasy Karl Orftyń «Carmina Burana» balet-kantatasy boldy. Teatr sahnasynda alǵash ret hor, orkestr, solıster men balet ártisteri bir sátte óner kórsetti. Spektakl XIII teatr maýsymyn saltanatty túrde jaýyp, jyl sońynda kásibı qaýymdastyq tarapynan «Jyl baleti» atandy.
Sondaı-aq óner ujymy Ońtústik Koreıadaǵy «Cheonan World Dance Festival 2025» dúnıejúzilik bı festıvalinen kúmis medal ıelendi. Onda ártister kórermen kózaıymyna aınalǵan «Uly dala murasy» konserttik baǵdarlamasynyń horeografııalyq mınıatıýralaryn kórsetti. Ujym álem sahnasynda ulttyq horeografııa mektebiniń básekege qabiletti ekenin taǵy bir márte dáleldep, eldiń mádenı murasyn halyqaralyq deńgeıde keńi-nen tanytty.
Budan bólek, byltyr teatr repertýary eki aktili «Qos kilem» baletimen tolyqty. Memlekettik merekelerge oraı «Máńgi el» konserttik baǵdarlamasy aıasynda usynylǵan jańa horeografııalyq mınıatıýralar ázirlendi.
Atalǵan jyl teatr quramy úshin de nátıjeli boldy. Teatr ártisteri «Eren eńbegi úshin» memlekettik nagradasyna ıe boldy, al bas baletmeıster men jetekshi solıst «Benois de la Danse 2025» bedeldi halyqaralyq syılyǵynyń nomınanttary atandy.
