Jurtshylyqpen oraıly kezdesý bastady

Astana qalasynda Má­jilistegi «Amanat» partııasy fraksııasynyń depýtattary Otan soǵysy ardagerlerine arnalǵan ortalyq klınıkalyq gospıtal ujymymen kezdesti. Senator Gennadıı Shıpovskıh jáne májilismender Pavel Kazansev, Samat Nurtaza, Ma­rat Bashımov, Dáýlet Tur­­lyhanov ondaǵan jyl boıy Uly Otan soǵysynyń arda­ger­lerine, tyl eńbekker­lerine jáne olarǵa teńesti­ril­­gen aza­mattarǵa mamandan­dy­ryl­ǵan kómek kórsetetin gospı­taldyń jumysymen tanysty.

Jıynda gerontologııa men gerıatrııany derbes medısı­nalyq baǵyt retinde damytý, keshendi gerıatrııalyq baǵa­laý men pánaralyq tásildi engizý­diń mańyzdylyǵy aıtyldy. «Amanat» partııasy frak­sııasy basshysynyń oryn­basary Pavel Kazansev ha­lyqtyń qartaıýy jaǵdaıyn­da egde jas­taǵy azamat­tar­ǵa qoljetimdi ári sapaly me­dısı­nalyq kómek kórsete­tin júıeli zańnamalyq sheshim­derdiń mańyzyn atap ótti. Kezdesýde medısına qyz­­metkerlerin qorǵaýǵa baǵyt­talǵan zańnamalyq bastamalar da sóz boldy.

Sondaı-aq Májilis depý­tat­tary Shyǵys Qazaq­stan oblysynyń Altaı qala­syn­daǵy sý jelileriniń jań­ǵyr­tylýyn tekserdi. Búgin­de Al­taı qalasynda sý quby­ry jelilerin jańǵyr­tý ju­mys­y 95 paıyzǵa aıaqtalǵan. Joba iske qosyl­ǵanda 9 420 tutynýshy sapaly aýyzsýmen qamtylady. Alaıda nysandy tolyq paıdalanýǵa berýge 60 jyl buryn salynǵan to­zy­ǵy jetken qalaishilik qu­byr­lar­dyń tozyǵy qolbaı­laý bolyp otyr eken. Altaı aýdany ákiminiń orynbasary Zańǵar Shaýhınniń aıtýynsha, eski shoıyn qubyrlardyń jekelegen bólikterin aýystyrý úshin shamamen 2 mlrd teńge kóleminde qosymsha qarjy qajet. Sý je­lilerin jańǵyr­tý jumysy «Amanat» partııa­synyń saılaýaldy baǵdar­lamasy aıasynda júzege asyrylyp jatyr. Jobanyń jalpy quny – 2,6 mlrd teńge. Bul qarajatqa 110,5 shaqyrym sý qubyry jelisin tartý kózdelgen.

Oblysqa jumys saparymen kelgen Májilis depýtat­tary Erlan Saırov pen Ulyq­bek Tumashınov jobany to­l­yq aıaqtaý úshin bıýdjet qara­jatyn tıimdi josparlaý men jumystardyń sapasyna qa­tań baqylaý qajettigin atap ótti. «Myńdaǵan otbasy taza aýyzsýmen qamty­lady. Sondyqtan bul joba­nyń sapaly ári ýaqtyly aıaqta­lýy mańyzdy. Bólingen qarajat­tyń maqsatty jumsalýyna depýtattyq baqylaý kúsheı­tiledi», dedi E.Saırov.

Almaty oblysyna jumys saparymen barǵan Májilis depýtaty, JSDP fraksııasy­nyń múshesi Ashat Raqymja­nov Qonaev qalasynyń prokýrory Jánibek Jaqaevpen kezdesti. Kezdesýde «Qapshaǵaı – Altyn Alma» tutynýshylyq baqsha kooperatıvine qatysty kópten beri sheshimin tappaı kele jatqan múlik daýy talqylandy. Turǵyndardyń aıtýynsha, uzyndyǵy shamamen 3,6 shaqyrym sý qubyry jelisi olardyń óz qarajaty esebinen salynǵanyna qara­mas­tan, keıinnen kúmándi rásim­der arqyly úshinshi tul­ǵa­­lardyń menshigine ótip ket­ken. A.Raqymjanov múlik­ti resim­deý kezinde zań talap­tarynyń saqtalýyna qatys­ty kúmándi máseleler bar eke­nin atap ótti. Kezdesý qory­­tyndysynda Qonaev qalasy­nyń prokýratýrasy isti baqy­laý­ǵa alyp, barlyq mán-jaı­dy qaıta zerdeleıtinin málimdedi.

Tarazda Májilis depýtattary jańa mektep qurylysynyń barysymen tanysty. Taraz qalasynda Májilis depýtattary Gúldara Nurym, Muqash Eskendirov jáne Ábýtálip Mútáli Mánshúk Mámetova atyndaǵy №27 orta mekteptiń jańa oqý korpýsynyń qury­lys barysyn kórdi. Joba «Amanat» partııasynyń saılaýaldy baǵdarlamasy aıasynda júzege asyrylyp jatyr. 600 oqýshyǵa arnalǵan úshqabatty jańa korpýs qurylysy búginde 40 paıyzǵa oryndalǵan. Qazir shatyr jabý, ishki árleý jáne aýmaqty abattandyrý jumysy júr­gizilip jatyr. Qurylys keste boıynsha osy jyldyń qarasha aıynda aıaqtalýǵa tıis. Degenmen merdiger nysandy mejeli merzimge jetkizbeı, jańa oqý jyly bastalǵanǵa deıin paıdalanýǵa berýge da­ıyn ekenin málimdedi.

Májilis depýtaty Gúldara Nurym bilim salasyndaǵy memlekettik saıasattyń bas­ty ózegi – oqýshy men muǵalimge qamqorlyq ekenin atap ótti. Onyń aıtýynsha, keıingi jyl­dary qabyldanǵan «Peda­gog mártebesi týraly» zań naq­ty nátıjeler berip otyr: muǵa­limderdiń ortasha jala­qysy edáýir ósip, júkte­mesi azaıǵan, eńbegine degen qoǵamnyń qurmeti artqan.

Nysannyń jaı-kúıin kór­gen depýtattar mektep ınfraqurylymyn damy­tý memleket úshin basym min­det­terdiń biri bolyp qala beretinin atap ótti. Muqash Eskendirovtiń aıtýynsha, óńirdegi oqýshylar sanynyń ósýi bilim mekemelerin de tezdetip salýdy qajet etedi.

Prezıdent tapsyrmasy­nyń oryndalý barysymen tany­sý maqsatynda Májilis depý­taty, «Aýyl» partııasynyń tóraǵa­sy Serik Egizbaev Aqtóbe oblysyna baryp, aýyl sharýashylyǵy salasynda atqarylyp jatqan jumysty kórdi. Issapar aıasyn­da S.Egizbaev Qarǵaly aýda­nyndaǵy «Stepnoe» JShS qyz­metimen tanysty. Mal jáne egin sharýashylyǵyn qatar damy­typ otyrǵan kásip­oryn aýyl turǵyndaryn tu­raq­ty jumyspen qamtyp, jergi­likti jerdiń áleýmettik-ekono­mıkalyq jaǵdaıyn jaqsartý­ǵa eleýli úles qosyp keledi. Seriktestik – 2002 jyldan bas­tap elıtalyqtuqym óndiretin sharýashylyq. 250 adamdy jumyspen qamtyǵan JShS 52 myń gektar jerdi ıgerip otyr.

Seriktestik basshysy, «Aýyl» partııasynyń múshesi Aman­ǵos Tóleýov – byltyr Mem­leket basshysynyń Jar­ly­ǵymen «Qazaqstannyń Eń­bek eri» ataǵyna ıe bolǵan táji­­rıbeli sharýashylyq jetek­­shisi. Kezdesý barysynda onyń agrarlyq sala men par­tııa jumysyna qosqan úlesi ba­ǵalanyp, «Aýyl» partııasy­nyń 25 jyldyq mereıtoılyq medali saltanatty túrde tabys­taldy. Mundaı qadamdar aýyl sharýashylyǵynda adal eńbek etip júrgen azamattardyń eńbegin baǵalap, salanyń damýyna degen senim men yntany kúsheıte túsedi.