Foto: x.com/IranNewsUpdate1
Quqyq qorǵaýshylardyń málimetinshe, sońǵy toǵyz kúnde 35 adam opat bolǵan, 1200-den astam azamat ustalǵan. Qaza bolǵandardyń 29-y narazylyqqa qatysýshylar, tórteýi balalar, ekeýi qaýipsizdik kúshteriniń qyzmetkerleri.
Narazylyq sharalary keminde 88 qalada ótip, eldiń 31 provınsııasynyń 27-sin qamtyǵan. Alǵashynda shaǵyn eldi mekenderde kúsh qoldaný kúsheıip, keıin dúmpý iri qalalarǵa taraǵan. Sonyń ishinde Meshhed pen Tegeran bar. El kóleminde keminde 17 joǵary oqý ornynda stýdentter aksııalarǵa qosylǵan. Stýdenttik medıanyń habarlaýynsha, kúshtik qurylymdar ýnıversıtet kampýstary aýmaǵynda reıdter júrgize bastaǵan.
Irandaǵy qaqtyǵys: Qurbandar sany artyp, jaǵdaı ýshyǵyp barady
5 qańtarda Irannyń sot júıesi ókilderi ustalǵandarǵa jeńildik bolmaıtynyn málimdedi. Buǵan deıin eldiń joǵarǵy tóraǵasy Álı Hameneı tártipsizdikterge qatysqandarǵa qatań shara qoldaný keregin aıtqan.
Narazylyqtar 28 jeltoqsanda Tegerandaǵy bas bazarda bastalǵan. Kóptegen saýdager ınflıasııa men baǵanyń sharyqtaýyna qarsy dúkenderin japqan. 29 jeltoqsanda rıal tarıhı mınımýmǵa tústi, shamamen 1 rıal 0,00002 eýroǵa teńesti. Dúnıejúzilik bank deregine saı, qazan aıynda Irandaǵy azyq-túlik ınflıasııasy 64,2 paıyzǵa jetken, bul kórsetkishten tek Ońtústik Sýdan ǵana joǵary.
Iranda jappaı narazylyqtarǵa baılanysty ınternetke shekteý qoıyldy
