Foto: istockphoto.com
Úkimet basshysy tehnologııalyq serpilistiń mańyzdylyǵyna toqtalyp, jańa sıfrlyq ónimderdiń paıdasyn árbir azamat sezinýi tıis ekenin atap ótti.
«Memleket basshysy 2026 jyldy Sıfrlandyrý jáne jasandy ıntellekt jyly dep jarııalady. Bizdiń basty maqsatymyz – ekonomıkanyń barlyq salalaryna serpindi tehnologııalardy engizý. Jańa sıfrlyq ónimderdiń oń nátıjesin ár azamat sezinýge tıis», dedi Oljas Bektenov.
Jasandy ıntellekt jáne sıfrlyq damý mınıstrliginiń málimetinshe, elimizde ınternet sapasyn arttyrý boıynsha aýqymdy jumystar atqarylyp jatyr:
- 2025 jyldyń qorytyndysy boıynsha 2 606 aýyl joǵary jyldamdyqty ınternetke qosyldy. 2026 jyly taǵy 1 900 eldi mekendi qosý josparlanǵan.
- Qazirgi tańda 5G baılanysy elimizdiń 20 iri qalasynda qoljetimdi.
- Búginde 3 115 aýyl 4G jelisimen qamtylǵan bolsa, 2026 jyly taǵy 836 aýyl osy sapaly baılanysqa qol jetkizedi.
Premer-mınıstr sıfrlandyrý tek tehnıkalyq prosess emes, ekonomıkanyń tıimdiligin arttyratyn jáne halyqtyń ómir súrý sapasyn jaqsartatyn basty qural ekenin basa aıtty.
