Foto: ashyq derekkóz
Mınıstrlik ókiliniń aıtýynsha, 2025 jyldan bastap Qazaqstan azamattary jeke kýáliktiń merzimi aıaqtalǵan jaǵdaıda ony eGov.kz portaly arqyly onlaın aýystyra alady. Qazir bul qyzmet tek bir baǵytta iske qosylǵan.
«Aldaǵy ýaqytta onlaın qyzmet túrlerin keńeıtýdi josparlap otyrmyz. Iаǵnı jeke kýálikti joǵaltý, jańadan rásimdeý sekildi ózge de jaǵdaılar qamtylady. Sonymen qatar, Ishki ister mınıstrligimen birlesip, tólqujattardy da onlaın formatta berý múmkindigin qarastyryp jatyrmyz», dedi vıse-mınıstr.
Onyń sózinshe, bul baǵyttaǵy jumystar 2026 jyldyń sońyna deıin aıaqtalýy tıis. Budan bólek, júrgizýshi kýáligin alý qyzmetin de tolyqtaı onlaın formatqa kóshirý josparlanyp otyr.
Mınıstrlik jańa servısterdi kezeń-kezeńimen engizýdi kózdeıdi. Maqsat – qyzmetterdiń halyqqa qanshalyqty qolaıly ekenin saralap, sıfrlyq sheshimderdiń tıimdiligin arttyrý.
