Foto: istockphoto.com
Úkimette ótken brıfıngte Damır Seısembekov jańa ereje boıynsha SIM-kartanyń ózdiginen iske qosylmaıtynyn aıtty.
«Eger siz, aıtalyq, dúkenge baryp SIM-karta satyp alsańyz, ol óz atyńyzǵa bıometrııalyq sáıkestendirýden ótpeıinshe jumys istemeýi tıis», dedi komıtet basshysy.
Bıometrııadan ótý joldary:
- Habarlama arqyly: Abonent SIM-kartany telefonǵa salǵan kezde, oǵan arnaıy nusqaýlyq jazylǵan habarlama keledi.
- Mobıldi qosymsha arqyly: Elimizdegi úsh iri baılanys operatorynyń qosymshalarynda bıometrııadan ótý múmkindigi qarastyrylǵan.
- Resmı bólimshelerde: Eger azamatta smartfon bolmasa, sondaı-aq bıometrııadan ótý qıyndyq týdyrsa, uıaly baılanys operatorlarynyń resmı satý bólimderine júginýine bolady.
«Jalpy alǵanda, búgingi tańda dúkennen SIM-karta satyp alýdyń esh máni joq dep esepteımin. Muny operatorlardyń mobıldi qosymshalary arqyly ońaı jasaýǵa bolady», dep túıindedi Damır Seısembekov.
