Qurylys jumystaryn bastaýǵa 1955 gektar jer telimi bólindi. Qazirgi tańda onyń 700 gektaryna mal azyqtyq daqyldar egý úshin jer daıyndalyp jatyr. Munda tamshylatyp jáne jańbyrlatyp sýarý tehnologııasy qoldanylady.
Investjoba 2030 jylǵa deıin júzege asady dep kútiledi. Tartylatyn ınvestısııa kólemi – 15 mlrd teńgeden astam. Joba júzege assa, 100 jańa jumys orny qurylady. Fermanyń jyldyq qýattylyǵy 13 mln lıtr sút óndirýge jetkilikti bolady.
Joba aıasynda eki negizgi tehnologııalyq úderis kózdelgen. Birinshi úderis mal azyqtyq daqyldardy ósirý bolsa, ekinshisi – taýarly sút óndirý.
Qonaev qalasynyń ákimi Ashat Berdihanov halyqqa ınvestjobany tanystyrý maqsatynda jıyn ótkizdi.
«О́ndiris oryndaryn ashý, halyqty jumyspen qamtý – Qonaev qalasy ákimdiginiń basty baǵdarlarynyń biri. Zaýyt salynýyn jan-jaqty qoldaýymyz qajet. Kásiporynnyń boı kóterýi aýyl-aımaqtardaǵy jurtshylyqtyń ál-aýqatyna, qala ekonomıkasyna tikeleı áser etedi. Aldaǵy ýaqytta qalada 40-tan astam ınvestjoba júzege aspaq», dedi shahar basshysy.
Aıta keteıik, byltyr Qonaev qalasyna 100 mlrd teńgeden astam ınvestısııa tartyldy.
