Munda qurama jem, un, suıyq maı óndiriledi. Zaýyttyń logıstıkasy jolǵa qoıylǵan, temirjol arqyly daıyn ónim birden eksportqa jiberiledi. Jalpy kásiporynnyń qýattylyǵy jylyna 1 mln tonna ónim shyǵarýǵa jetkilikti.
Zaýytta 200-den astam jańa jumys oryny quryldy. О́ndiris oshaǵy zamanaýı stanoktarmen jabdyqtalǵan. Qajetti qap ta osynda óndiriledi. Al tartylǵan ınvestısııa kólemi – 15 mlrd teńge.
«Mundaı óndiris oryndarynyń iske qosylýy óńirdiń agroónerkásiptik keshenin damytýǵa serpin berip, aýyl sharýashylyǵy ónimderin tereń óńdeýge jol ashady. «Qapshaǵaı bıdaı ónimderi» JShS syndy kásiporyndar jergilikti sharýalardy turaqty ótkizý naryǵymen qamtamasyz etýde», deıdi depýtattar.
Sondaı-aq olar osyndaı ónerkásip oryndarynyń kóptep salynýy men ınvestısııa kóleminiń artýy el ekonomıkasynyń turaqty ósýine, jańa jumys oryndarynyń ashylýyna jáne óńirlerdiń áleýmettik-ekonomıkalyq damýyna tikeleı yqpal etetinin atap ótti.
Almaty oblysy.
