Keshendi reformalardyń mańyzy túsindirildi

Senator Bıbıgúl Jeksenbaı Prezıdent suhbatynda belgilengen kólik saıasatynyń negizgi baǵyt­taryn sarapshylarmen birge talqylady. Buǵan qosa «Aqmola vagon jóndeý zaýyty» AQ ujymymen kezdesý kezinde metallýrgııa jáne mehanıkalyq qurastyrý óndirisi, vagondarǵa arnalǵan birqatar bólshekti dánekerleý, daıyndaý men montajdaýdyń tehnologııalyq úderisimen, sondaı-aq óndiristi jańǵyrtý barysymen tanysty. Ol kásiporyn qyzmetkerleriniń eldiń kóliktik-logıstıka áleýetin damytýǵa qosqan eleýli úlesin atap ótti.

Al depýtat Nurlan Bekenov Aqmola oblysynda kommýnaldyq ınfraqurylymdy jańǵyrtýdyń mańyzyn turǵyndarmen birge talqylady. Sonymen qatar senator Qosshy qalasynda qalalyq jańa emhana, jedel basqarý orta­lyǵy, qoǵamdyq mádenı-sport kesheni qurylysynyń barysymen tanysty. Qosshy qalasynyń ákimi, qalalyq máslıhattyń tóraǵasy jáne jergilikti atqarýshy organ­dar­dyń ókilderimen kezdesti. Onda Memleket basshysynyń qaladaǵy qoǵamdyq keńistikti abattandyrý jónindegi tapsyrmasyn, sondaı-aq Premer-mınıstrdiń tazartý qurylystary men kvartalishilik sý burý jelileri keshenine ortalyq jetkizýshi kollektordyń qury­lysyn qarjylandyrý jónindegi tapsyrmasyn oryndaýǵa baılanys­ty máselelerge toqtaldy.

Senat depýtattary Súıindik Aldashev pen Bekbol Orynbasarov Mańǵystaý oblysy Memleket basshysynyń bıylǵy suhbatynda belgilengen strategııalyq baǵytqa tolyq sáıkes keletinin, sondaı-aq elimizdiń energetıkalyq, kommý­nal­dyq ınfraqurylymyn jań­ǵyr­týǵa erekshe nazar aýdarylǵa­nyn aıtady. Qazir Aqtaýda «Aqtaý halyqaralyq teńiz portynyń» soltústik shekarasy aýdanynda sý jınaý arnasy salynyp jatyr. Bul nysan óńirdiń energetıkalyq, kommýnaldyq ınfraqurylymyn sýmen turaqty qamtamasyz etýge baǵyttalǵan. Senatorlar osy jobanyń tehnıkalyq jaı-kúıi men ony iske asyrý kezeńderi­men tanysty. Sondaı-aq «MAEK» JShS-de bolyp, tehnologııa, tarıf máselelerimen, JEO-1 jáne JEO-2-ge túsetin sý kóle­min ulǵaıtý jónindegi jumys­tar­dyń barysymen tanysty. Aıta ketsek, atalǵan nysandarǵa respýblıkalyq bıýdjetten qarjy qarastyrylǵan.

Lázzat Rysbekova men Arman О́teǵulov Batys Qazaqstan oblysy­nyń Aqjaıyq aýdanynda boldy. Senatorlar jurtshylyqpen kezdesýde Prezıdenttiń ekonomıkalyq turǵydan ózin-ózi qamtamasyz etetin aýyldardy qalyptastyrý, kooperasııany keńeıtý men aýylda turaqty jumys oryndaryn qurýǵa basty nazar aýdaryp otyrǵanyn aıtty. Turǵyndar bolsa aýylda mádenıet úıin salý týraly usynysyn jetkizdi.

Senator Ernur Áıtkenov Pavlodar oblysyna barǵan saparynda «Aýyl amanaty» baǵdar­la­masynyń iske asyrylý barysy men mal bordaqylaý alańy­nyń ju­mysymen tanysty. Fer­mer­­ler­men kezdesken depýtat Memle­ket basshysynyń aýyl sharýa­shy­lyǵyn memlekettik qoldaý­dyń tıimdiligin arttyrý, mal sharýa­shy­lyǵyn damytý men fermer qoja­lyqtarynyń kooperasııasyn aýyldy turaqty damytýdyń negizgi faktory retinde erekshe atap ótkenin aıtty.

Janbolat Jórgenbaev pen Zakırjan Kýzıev jumys saparymen Almaty oblysynyń Eńbek­shiqazaq, Talǵar aýdandarynda boldy. Onda agroónerkásip keshe­ni men logıstıka salasyndaǵy kásip­oryndardyń qyzmetimen tanys­ty. Oblys turǵyndarymen kezdesýde Prezıdenttiń jýyrdaǵy «Qazaqstan jańa jańǵyrý kezeńi­ne aıaq basty» suhbatynda belgi­len­gen mindetterin atap ótti. Olardyń aıtýynsha, elimizde aýyl sharýashylyǵy salasyn qoldaý maqsatynda aýqymdy jumys­tar júrgizilip jatyr, alaıda elge kelip jatqan ınvestısııanyń tıim­diligin arttyrý qajet.

Al senatorlar Nurlan Bekna­zarov pen Aıgúl Qapbarova Prezı­dent belgilegen «Zań jáne tár­tip» qaǵıdaty týraly áńgimele­di. Shymkent qala­lyq pro­kýra­týrasyn­da boldy. Qadaǵalaý or­ganynyń basshylyǵymen kezdesý barysynda quqyq buzýshylyq­tyń aldyn alý, esirtki qyl­mysy men kı­ber­qylmysqa qarsy is-qı­myl bo­ıynsha júrgizilip jat­qan ju­mystar sóz boldy. Qazir­gi kezde prokýratýra jany­nan kıberalaıaqtyqtyń aldyn alý jónindegi koll-ortalyq ju­mys istep tur, turmystyq zor­lyq-zombylyq boıynsha 150 jábir­lenýshige kómek kórsetilgen.

Depýtat Ásem Rahmetova SQO, Iаvlenka aýylynda bolyp, «Nomads-AI» shyǵarmashylyq ortalyǵynyń qyzmetimen tanysty. Sondaı-aq ınfraqurylym nysandaryn aralady. Turǵyndarmen kezdesýde Prezıdent suhbatyndaǵy sıfrlyq jańǵyrýdyń basymdyq­taryna toqtaldy.

Senatorlar Rýslan Rústemov pen Naýryzbaı Baıqadamov Qyzyl­ordada Prezıdent belgilegen áleý­mettik-ınfraqurylymdyq saıa­sat­tyń basymdyqtaryn talqy­lady. Qyzylorda turǵyndary ın­je­­­nerlik, áleýmettik ınfraqu­ry­lym­­dy damytý, turǵyn úı-kom­m­ýnal­dyq sharýashylyǵy, sondaı-aq zań­dy saqtaý, azamat­tardyń qu­­qyq­taryn qorǵaýǵa qatysty máse­­lelerd­i kóterdi. Senatorlar qol­­danys­taǵy zańnama sheńberinde ár­bir óti­nishke túsinikteme berip, usy­­nystar quzyretti memlekettik or­gan­­darǵa joldanatynyna ýáde berdi.

Al Janna Asanova men Sergeı Ershov Almatydaǵy jol qaýip­sizdigi máselelerin talqylady. Almaty qalalyq polısııa departa­mentinde depýtattar kóshe-jol jeli­siniń tyǵyzdyǵy, jol qozǵaly­syn uıymdastyrýdyń jekelegen problemalyq máselelerinen habardar boldy. «Almaty sııaqty iri megapolıstegi jol qaýipsizdigi máseleleri atústi sheshimderdi emes, barlyq múddeli mekemelerdiń júıeli jáne úılesimdi tásilin talap etedi», dep atap ótti J.Asanova.

Shákárim Buqtuǵutov Rıdder qalasynda áleýmettik salany damytý máselelerin turǵyndary­men birge talqylady. Prezıdent belgilegen memlekettik saıasattyń basym­dyq­tary boıynsha júzege asyp jat­qan jobalar qamtyldy. Depýtat, ásirese, medısınalyq qyzmet­ter­diń qoljetimdiligi men sapasy máse­lelerine erekshe nazar aýdardy. Onyń aıtýynsha, óńir turǵyndary qajetti medısınalyq qyzmetterge teńdeı qol jetkizýi qajet.

Senator Bekbolat Orynbekov Jambyl oblysynyń Jambyl, Baızaq, Turar Rysqulov, Merki, Shý aýdandarynda boldy. Depýtat jańa Bıýdjet jáne Salyq kodeks­teriniń negizgi erejeleri týraly baıandady. Atalǵan zań Mem­leket basshysynyń suhbatynda belgilegen maqsattarmen astasyp jatqanyn atap ótti senator.