Shotlandııalyq klýb Islam Chesnokovtyń resmı túrde komandaǵa qosylǵanyn jarııalady. 26 jastaǵy fýtbolshy jańa klýbymen 2028 jyldyń jazyna deıin kelisimshartqa qol qoıdy. Ol «Hartsqa» qostanaılyq «Tobyl» klýbynan erkin agent retinde aýysty.
Osylaısha, Islam Chesnokov «Harts» tarıhyndaǵy jáne jalpy Shotlandııa chempıonatyndaǵy alǵashqy qazaqstandyq fýtbolshy atandy. Jańa komandasynda ol 99-nómirmen oınaıdy.
«Harts» – Shotlandııanyń eń tıtýldy klýbtarynyń biri. Komanda el birinshiliginde tórt ret chempıon atanyp, segiz márte Shotlandııa kýbogyn jeńip alǵan. Bıylǵy maýsymda 20 týrdan keıin klýb 44 upaı jınap, týrnır kestesinde kósh bastap tur.
Islam Chesnokov – óskemendik «Altaı» klýbynyń túlegi. Ol kásibı mansabyn 2018 jyly jastar quramynda bastap, 2020 jylǵy 15 qyrkúıekte «Turanǵa» qarsy oıynda negizgi quramda alǵash ret alańǵa shyqty.
2021 jyldyń sáýirinde fýtbolshy Belarýstiń Belshına klýbyna aýysty. Joǵary lıgada 2022 jyldyń 20 naýryzynda mogılıovtik «Dneprge» qarsy matchta debıýt jasady. Al alǵashqy golyn sol jyldyń 21 mamyrynda «Isloch» qaqpasyna soqty. Belarýs klýby sapynda barlyq týrnırde 59 match ótkizip, 11 gol men 11 nátıjeli pasqa avtor boldy.
2023 maýsymynan bastap Islam Chesnokov «Tobyl» sapynda oınap, 92 matchta 29 gol soǵyp, 15 goldyq pas bergen.
Endi jerles fýtbolshymyz mansabyn Shotlandııa chempıonatynda jalǵastyryp, el fýtboly tarıhynda jańa beleske qadam baspaq.
