Taraptar saıası dıalogty nyǵaıtý, saýda-ekonomıkalyq baılanystardy tereńdetý, sondaı-aq mádenıet pen bilim salalaryndaǵy áriptestikti damytýǵa basymdyq berdi. Ekonomıkalyq jáne ınvestısııalyq jobalardy iske asyrý, kólik-logıstıkalyq yntymaqtastyqty keńeıtý ekijaqty taýar aınalymyn ulǵaıtyp, iskerlik baılanystardy arttyratyn mańyzdy baǵyt retinde atap ótildi.
Sonymen qatar, 2026 jylǵa arnalǵan ekijaqty is-sharalar jospary pysyqtalyp, joǵary jáne bıik deńgeıdegi saparlardy uıymdastyrý máseleleri qaraldy. Atap aıtqanda, Horvatııa Premer-mınıstriniń Astanaǵa sapary ekijaqty qatynastardyń damýyna qosymsha serpin beretini aıtyldy.
Kezdesý qorytyndysynda dıplomattar Astana men Zagreb arasyndaǵy mazmundy dıalogty jalǵastyryp, ózara tıimdi yntymaqtastyqty barlyq baǵytta odan ári tereńdetýge daıyn ekenderin rastady.
