Aqtaýda bıyl myńnan astam otbasy úshin páterler salynady

AQTAÝ. 24 aqpan. Bıyl Aqtaýda baspana kezeginde turǵandar úshin 120 páterli úsh turǵyn úı, jas otbasylar úshin 60 páterden turatyn eki turǵyn úı kesheni jáne azamattardyń barlyq sanatyna arnalǵan kóp páterli bes úı salý josparlanǵan. Bul týraly egemen.kz tilshisi habarlady. Aqtaýda baspana qurylysy respýblıkalyq bıýdjet jáne bıýdjettik nesıe qarajaty esebinen júrgiziledi. Bul jumystar úshin bıyl 4 mlrd. teńge qarjy bólingen. Sondaı-aq, «Qoljetimdi baspana-2020» baǵdarlamasy aıasynda 3-shi shaǵyn aýdanda ornalasqan 15 apatty úıdiń de máselesi sheshilip, jyl sońyna taman myńnan astam otbasy baspanaly bolady dep kútilýde. Aqtaý qalasynyń ákimi E.Jańbyrshınniń aıtýynsha, bıyl apatty úılerdi súrý jónindegi jobalardy júzege asyrý aıasynda turǵyn úı salý baǵdarlamasy iske qosylmaq. Aqtaýdaǵy apatty dep tanylǵan úılerdiń jalpy aýmaǵy – 7,9 myń sharshy metrdi quraıdy. Aldaǵy 6 jylda 370 páterdiń turǵyndary jańa baspanaǵa qonys aýdarady. – Aqtaý qalasynda shaǵyn jáne orta kásipkerlikti damytý maqsatynda óndiristik-qoıma nysandary, kórme ortalyǵy men taǵy dabasqa nysandar ornalasqan ındýstrııaldy aımaq ashylady. Qazir ónerkásiptik aımaqty josparlaý jobasy ázirlenýde, deıdi Aqtaý qalasynyń ákimi. Gúlaıym Shyntemirqyzy. Derek: egemen.kz. Sýret: el.kz.