Qoǵamdyq keńes otyrysynda talqylanǵan negizgi másele – mal sharýashylyǵy salasyndaǵy agrobıznesti damytýdyń 2026-2030 jyldarǵa arnalǵan keshendi josparynyń jobasy. Qujatta salany bilikti kadrlarmen qamtamasyz etýge baǵyttalǵan birqatar sharalar qarastyrylǵan.
Atap aıtqanda, mal sharýashylyǵynda eńbek etetin azamattarǵa áleýmettik qoldaý kórsetý usynylady. Sonyń ishinde:
- Qoıshylar men malshylardyń zeınet jasyn tómendetý,
- Áskerı qyzmetti keıinge shegerý,
- Olardyń balalaryna bilim berý granttaryn basym tártippen berý máseleleri bar.
Mınıstrlik málimetinshe, bul bastamalar salada eńbek etip júrgen mamandardy qoldaýǵa jáne kadr tapshylyǵyn azaıtýǵa baǵyttalǵan.
Qoǵamdyq keńes músheleri Agrobıznesti damytýǵa arnalǵan keshendi jospar jobasyn biraýyzdan maquldaǵan.
