Ýákil men onyń óńirlerdegi ókilderi júrgizgen tekseris barysynda túzeý mekemelerindegi qoldanystaǵy elektrondyq termınaldardyń durys jumys istemeıtini, tehnıkalyq turǵydan eskirgeni anyqtalǵan. Osyǵan baılanysty Bas prokýratýraǵa tıisti usynymdar joldanǵan.
Bas prokýratýra óz kezeginde termınaldardyń fızıkalyq jáne moraldyq turǵydan tozǵanyn rastap, olardyń jumysynda júıeli máseleler bar ekenin habarlady. Qadaǵalaý organynyń málimetinshe, qazirgi ýaqytta qylmystyq-atqarý júıesi mekemelerin keńeıtilgen fýnksıonaly bar zamanaýı termınaldarmen qaıta jaraqtandyrý boıynsha pılottyq joba júzege asyrylyp jatyr.
Jańa termınaldar arqyly sottalǵandar FaceID júıesi kómegimen memlekettik organdarǵa ótinishter men aryz-shaǵymdar joldaı alady. Sonymen qatar, beıneqońyraý arqyly týystarymen baılanys ornatý múmkindigi qarastyrylǵan.
Qazirgi tańda atalǵan zamanaýı termınal Atbasar qalasyndaǵy №1 túzeý mekemesinde synaqtan ótip jatyr.
