Eske salaıyq, agenttik pen Ulttyq banktiń birlesken qaýlysyna sáıkes, 2025 jylǵy 1 qarashadan 2026 jylǵy 1 shildege deıin ıpotekalyq kredıtter boıynsha JTSM-di 25 paıyzdan 20 paıyzǵa deıin tómendetý talabynyń kúshi ýaqytsha toqtatyldy.
Agenttik bul sheshim halyqtyń da, bankterdiń de múddesin eskere otyryp qabyldanǵanyn atap ótti.
«Bul sheshim qazirgi ekonomıkalyq jaǵdaıdy eskere otyryp, ıpotekalyq kredıtterdiń qunyn retteýde teńgerimdi ustanymdy saqtaý, bankterdiń qarjylyq turaqtylyǵyn qoldaý jáne sonymen birge halyq úshin ıpotekanyń qoljetimdiligin tómendetpeý maqsatynda qabyldandy. Sonymen qatar jańa talaptar kúshine engenge deıin ıpotekaǵa ótinim bergen azamattarǵa erejelerdiń ózgerýine baılanysty bas tartýsyz nesıe rásimdeýge múmkindik beredi», delingen agenttik habarlamasynda.
Osylaısha, 2026 jylǵy 1 shildege deıin Qazaqstanda kredıtter boıynsha mynadaı shekti mólsherlemeler qoldanysta bolady:
– kepilsiz banktik qaryzdar boıynsha – 46 paıyz;
– kepilmen beriletin banktik qaryzdar boıynsha – 35 paıyz;
– ıpotekalyq kredıtter boıynsha – 25 paıyz.
