Saltanatty shara Qazaqstannyń mádenıet, sport, týrızm jáne aqparattyq qyzmetkerler salalyq kásipodaǵy men EL Qurmetty qoǵamdyq qorynyń uıymdastyrýymen ótti. Atalǵan marapat eńbek adamynyń abyroıyn kóterýdi, adal eńbekti dáripteýdi jáne kásipkerlik pen óndiristegi jetistikterdi moıyndaýdy maqsat etedi.
«Eńbek Dańqy» tósbelgisi tek qatań irikteýden ótken úmitkerlerge ǵana tabystalady. Marapattaý prosesin Qazaqstannyń salalyq kásipodaǵy men EL Qurmetty qory janyndaǵy ulttyq komıssııa tolyq baqylaýda ustaıdy. Aldymen kásipodaqtar, eńbek ujymdary jáne qoǵamdyq uıymdar úmitkerlerdi usynady. Usynylǵan qujattarda kandıdattyń keminde bes jyldyq eńbek ótili, naqty jetistikteri, ólshenetin nátıjeleri – ekonomıkalyq ósimge qosqan úlesi, ınnovasııalyq bastamalary nemese áleýmettik jobalary jan-jaqty kórsetiledi.
Kelesi kezeńde úmitkerlerdi EL Qurmetty qorynyń ulttyq komıssııasy qaraıdy. Komıssııa tóraǵasy Jarylkasyn Shynarbek basshylyq etetin bul organ kandıdattardyń uzaq merzimdi eńbegin, jańashyldyǵyn, adal qyzmetin jáne el ekonomıkasynyń basym baǵyttaryna sáıkestigin baǵalaıdy. Baǵalaý barysynda tekserýler júrgizilip, suhbattar alynady, salalyq sarapshylardyń pikirleri tyńdalady. Komıssııa maquldaǵan jaǵdaıda marapat resmı saltanatty rásimde tabystalady. 2024 jylǵy marapattaý kezinde tósbelgini Qazaqstannyń salalyq kásipodaǵy ókilderi men EL Qurmetty qorynyń basshylyǵy tabys etti. Uıymdastyrýshylardyń málimetinshe, jyl saıyn marapat ıegerleriniń sany shekteýli – ádette 10–15 adamnan aspaıdy, bul nagradanyń bedelin saqtaýǵa múmkindik beredi.
«Eńbek Dańqy» tósbelgisin Qazaqstannyń mádenıet, sport, týrızm jáne aqparattyq qyzmetkerler salalyq kásipodaǵy EL Qurmetty qoǵamdyq qorymen birlesip taǵaıyndaıdy. Marapattaý 1993 jylǵy «Memlekettik nagradalar týraly» zań talaptaryna sáıkes júzege asyrylady. Qordyń basty maqsaty – eńbek pen kásipkerlik jetistikterin moıyndaý, áleýmettik jaýapkershilikti qoldaý jáne ulttyq qundylyqtardy saqtaý. Tósbelgi uzaq jyldar boıy adal eńbek etip, óndiris, bıznes nemese qoǵamdyq salada naqty nátıjege qol jetkizgen azamattarǵa beriledi.
2024 jylǵy marapattaý barysynda bes azamat «Eńbek Dańqy» tósbelgisiniń ıegeri atandy. Olardyń árqaısysy Qazaqstannyń damýyna ózindik úles qosqan.
Kásipker Raıs Agaev, «FAVORIT» kompanııasynyń basshysy, bıznes damytý, kásibı kadrlardy daıarlaý jáne kásiporynnyń áleýmettik jaýapkershiligin arttyrýdaǵy jetistikteri úshin marapattaldy. Onyń bastamasymen Qazaqstannyń avtokólik naryǵyna zamanaýı sheshimder engizilip, kompanııa aınalymy 3 mln AQSh dollaryna jetken. Sondaı-aq 180 jańa jumys orny qurylyp, jas mamandarǵa arnalǵan taǵylymdamalar men jańa tehnologııalar boıynsha oqytý baǵdarlamalary uıymdastyrylǵan.
Jarylqasyn Shynarbek, EL Qurmetty qorynyń tóraǵasy, kásipkerlik pen ekonomıkany damytýǵa qosqan úlesi úshin marapatqa ıe boldy. Ol shaǵyn jáne orta bıznesti damytýǵa baǵyttalǵan ulttyq komıssııalardyń jumysyna qatysyp, salalyq strategııalardy ázirleýge atsalysqan.
Bilim berý salasynyń mamany Saltanat Qulymbetova jastarǵa arnalǵan ınnovasııalyq bilim berý baǵdarlamalaryn engizip, aýyldyq óńirlerde bilimge qoljetimdilikti arttyrýdaǵy eńbegi úshin tanyldy.
О́nerkásip ınjeneri Bekzat Erkebulanuly óndiristik jobalardaǵy ınnovasııalyq sheshimderi men eńbek qaýipsizdigin jaqsartýǵa qosqan úlesi úshin marapattaldy. Onyń jumysy óndiris sektorynyń turaqtylyǵyn arttyrýǵa yqpal etti.
Áleýmettik qaıratker Aıjan Tólegenova áıelder men jastarǵa baǵyttalǵan qoǵamdyq bastamalar arqyly áleýmettik ál-aýqatty jaqsartýǵa qosqan úlesi úshin «Eńbek Dańqy» tósbelgisin aldy.
Uıymdastyrýshylardyń aıtýynsha, buǵan deıin de bul marapat el damýyna yqpal etken birqatar tulǵaǵa tabystalǵan. Olardyń qatarynda ekonomıst Orazaly Sabden, mádenıet qaıratkeri Qanatbek Kúńgójinuly, professor Baıqarım Tútenev jáne qoǵam qaıratkeri Jarylkasyn Shynarbek bar.
Mamandardyń pikirinshe, «Eńbek Dańqy» sııaqty marapattar eldiń áleýmettik-ekonomıkalyq damýyna serpin beredi. Olar eńbekke degen qurmetti arttyryp, jańa býyndy adal eńbekke yntalandyrady. Sonymen qatar mundaı marapattar ındýstrııalandyrý, ınnovasııa jáne ekonomıkalyq ıntegrasııa úderisterin qoldap, Qazaqstannyń halyqaralyq ımıdjin kúsheıtýge, sheteldik ınvestısııa tartýǵa jáne ulttyq maqtanysh sezimin nyǵaıtýǵa yqpal etedi.
