Foto: weproject.media
Astana qalasy ákimdiginiń málimetinshe, «Halyq qatysatyn bıýdjet» jobasy azamattardyń bastamalaryn qoldaýǵa, aýlalardy kúrdeli jóndeýden ótkizýge, gúlzarlardy, saıabaqtardy jáne ózge de qoǵamdyq keńistikterdi qurýǵa baǵyttalǵan.
Baǵdarlama saraptamalyq keńes qurý, ótinim qabyldaý, jobalyq usynystardy taldaý, daýys berý, qorytyndy shyǵarý, jumys josparyn ázirleý jáne jobalardy iske asyrý syndy 7 kezeńnen turady.
Baıqońyr aýdanynyń turǵyndary ótinimderin aýdan ákimdiginiń resmı ınternet-resýrsy – www.baikonyr-astana.kz saıtynyń «Halyq qatysatyn bıýdjet-2025» bólimine joldaı alady. Ol úshin joba ataýyn, sıpattamasy kórsetilip, eskız ben smetany (shamamen bolýy múmkin), aýmaqtyń qazirgi jaǵdaıyn kórsetetin fotosýretter de qosa tirkelý qajet. Osy bólimde jobanyń erejeleri, úlgilik jobalyq usynys, is-sharalardyń merzimderi jáne saraptamalyq keńes quramy da ornalastyrylǵan. О́tinim qabyldaý 1 naýryzǵa deıin jalǵasady.
Almaty aýdanynda turǵyndardan ótinim qabyldaý 5 qańtarda aıaqtaldy. Qazir túsken usynystardy taldaý jáne tekserý jumystary júrip jatyr. Daýys berý 25 qańtar men 16 aqpan aralyǵynda ótedi. Ol úshin aýdan ákimdiginiń saıtynda nemese Egov Mobile qosymshasynda elektrondy sıfrlyq qoltańba arqyly avtorızasııadan ótý qajet.
Astanada erekshe qajettilikteri bar balalarǵa arnalǵan oıyn alańy ashyldy
Saraıshyq aýdanynda ótinim qabyldaý 20 qańtarda bastalady. О́tinim qabyldaý kezeńinde qatysýshylar naqty ózgerister men bıýdjettik esepti kórsete otyryp, abattandyrý josparyn ázirleýi tıis. Daıyn jobalar aýdan ákimdiginiń resmı saıtyndaǵy «Paıdaly siltemeler» bóliminde ornalasqan «Halyq qatysatyn bıýdjet-2025» bólimine júkteledi. Tehnıkalyq taldaý men tekserýden keıin jobalar daýys berý kezeńine ótedi. Joba bul aýdanda 2025 jyldan beri júzege asyrylyp keledi. О́tken jyly 17 aýla jańartylǵan. Bir turǵyn tek bir jobaǵa ǵana daýys bere alady. Jeńimpazdar 40 páterge deıin, 100 páterge deıin jáne 100 páterden kóp úılerdiń aýlalary syndy 3 sanat boıynsha anyqtalady.
Saryarqa aýdanynda da ótinim qabyldaý 20 qańtarda bastalady. «Halyq qatysatyn bıýdjet» jobasy bul aýdanda 2019 jyldan beri tabysty iske asyrylyp keledi. Osy ýaqyt ishinde turǵyndardyń 157 bastamasy júzege asyryldy. Tek ótken jyldyń ózinde 52 aýla jańartylyp, onyń 36 jobasy turǵyndardyń tikeleı qatysýymen iske asqan.
Nura aýdanynyń turǵyndarynan ótinim qabyldaý da qańtar aıynda bastalady. Joba aıasynda Astanada jyl saıyn 100-den astam aýla jańartylady. Turǵyndar baǵdarlamaǵa qatysý arqyly aýlalaryn jaqsartýǵa baǵyttalǵan jeke usynystaryn bere alady.
Astanada eresekterge arnalǵan tegin qazaq tili kýrsyna qabyldaý bastaldy
Esil aýdanynda «Halyq qatysatyn bıýdjet» jobasy boıynsha ótinim qabyldaý 23 qańtar men 1 naýryz aralyǵynda júrgiziledi. Osy kezeńde turǵyndar abattandyrýǵa qatysty naqty usynystaryn jáne qajetti bıýdjet esebin kórsetip, bastamalaryn joldaýy tıis. Jobalar aýdan ákimdiginiń resmı saıtyndaǵy «Halyq qatysatyn bıýdjet-2026» bólimi arqyly qabyldanady. О́tinim qabyldaý aıaqtalǵannan keıin 5 sáýirge deıin tehnıkalyq tekserý jáne taldaý júrgizilip, kelesi kezeńge ótetin jobalar anyqtalady. Daýys berý 6-24 sáýir aralyǵynda ótip, 24-29 sáýirde qorytyndysy shyǵarylady.
Al 4 mamyrǵa deıin saraptamalyq keńes iriktelgen bastamalardy iske asyrýdyń basymdyqtaryn aıqyndaıdy. Turǵyndar qoldaǵan jobalardy iske asyrý 2025 jylǵy 4 mamyr men 15 qyrkúıek aralyǵyna josparlanyp otyr.
