Foto: Ashyq derekkózden
Kompanııa málimetinshe, ushaq Seýlden saǵat 09:25-te ushyp shyǵyp, jergilikti ýaqytpen 11:50-de Beıjińge shuǵyl qonǵan.
Áýe kompanııasy qazir máseleni sheshý úshin qosalqy bólshektiń jetkizilýin kútip otyr. Sondyqtan reıstiń ushýy jergilikti ýaqyt boıynsha 1:00-ge aýystyrylǵan.
Air Astana Qytaı shekara qyzmetimen baılanysyp, vıza talap etilmeıtin jolaýshylardyń áýejaıdan ýaqytsha shyǵyp, qonaq úıde turýyna ruqsat berý týraly resmı ótinish jibergen. О́zge de jolaýshylar as-sýmen qamtamasyz etilip, tranzıttik aımaqtarǵa ornalastyrylǵan.
Buǵan deıin atalǵan kompanııaǵa tıesili taǵy bir ushaqta aqaý paıda bolyp, Delıge shuǵyl qonǵany habarlanǵan.
Aıta keteıik, Air Astana Dýbaı men Doha baǵytyndaǵy reısterin qaıta jandandyrýdy josparlap otyr.
