Jumys sapary barysynda agrarlyq bilim men ǵylymdy damytýdyń ózekti máseleleri talqylandy. Ýnıversıtet ókilderi iri sharýa qojalyqtarmen tyǵyz baılanys ornatý qajettigin atap ótti. Bul qadam stýdentterdiń óndiristik tájirıbeden ótýine qolaıly jaǵdaı jasaýǵa múmkindik beredi.
Sonymen qatar aýyl sharýashylyǵy mamandyqtary boıynsha bilim alatyn stýdentterdiń shákirtaqy mólsherin ulǵaıtý máselesi de kóterildi. Agrarlyq kolledjderdiń basshylary oqý oryndaryna jer telimderin bólý jáne oqý-óndiristik prosesti uıymdastyrý úshin aýyl sharýashylyǵy tehnıkasymen qamtamasyz etý týraly usynystaryn ortaǵa saldy.
Jıgýlı Daırabaev kezdesýde kóterilgen bastamalardy júzege asyrý agrarlyq salada bilikti mamandardy daıarlaýǵa jáne aýyldyq jerlerdiń turaqty damýyna yqpal etetinin atap ótti. Ol barlyq usynys aldaǵy depýtattyq qyzmeti barysynda eskerilip, jan-jaqty qaralatynyn jetkizdi.
