TÚRKI ÁLEMIN BIRIKTIRÝShI TULǴA

Djonatan Aıtkenniń N.Nazarbaev týraly kitaby túrik tilinde shyqty Atalǵan is-sharaǵa kitaptyń avtory Dj.Aıtken, Qazaqstannyń Túrkııadaǵy elshisi B.Ámireev, Túrkııanyń belgili qoǵamdyq uıymdary “Túrik oshaqtary” bas hatshysy O.Kavýndjý men “Dıa­log–Eýrazııa” tuǵyrnamasynyń bas úılestirýshisi H.Tokak, belgili saıası qaıratker, Halyqaralyq Qo­ja Ahmet Iаsaýı qorynyń pre­zı­denti N.K.Zeıbek, Halyqaralyq Qoja Ahmet Iаsaýı ýnıversıtetiniń ókiletti tóraǵasy O.Horata, buryn­ǵy Memlekettik mınıstr A.Andı­jan, iri túrik isker adamdary: “Cha­lyk Holdıng” tóraǵasy A.Chalyk pen “Kıbar Holdıng” tóraǵasy A.Kıbar jáne basqa belgili saıa­satkerler, qoǵam qaıratkerleri, dıplomattar, jýrnalıster, kitap sarapshylary qatysty. Tusaýkeserde elshi B.Ámireev ki­taptyń avtoryna týyndynyń basty keıipkeri N.Nazarbaevtyń jas Qazaqstan memleketiniń qalypta­sýyn­daǵy, jańaryp qaıta qury­lýy­ndaǵy, damyp, tabystarǵa je­týin­degi rólin tolyq ashyp jazǵany úshin alǵysyn bildirdi. Sondaı-aq, N.Nazarbaevtyń syrtqy saıasattaǵy basty jetistikteri men bastamalary týraly, atap aıtqanda, Táýelsiz Mem­leketter Dostastyǵynyń qu­ry­lýy, Qazaqstannyń óz erkimen ıadrolyq qarýdan bas tartýy, ta­rıhta tuńǵysh ret Azııada yntymaq­tastyq pen qaýipsizdik tetigi – AО́SShK qurylýy, syrtqy sheka­ra­lardyń tabysty demarkasııalanýy órkenıetter únqatysýyn damytýǵa qosqan úlesi, túrki áleminiń biri­gýin­degi mańyzdy róli týraly áńgi­me­ledi. B.Ámireev: “Álemdik deń­geı­degi belgili saıasatshy N.Na­zar­baev týraly kóptegen kitaptar ja­zylǵan. Bul kitaptyń erekshe qun­dylyǵy sonda, ony batys jazý­shy­synyń batys oqyrmanyna jáne Qazaqstan men onyń kóshbas­shy­sy­na batystyq kózqaras turǵysynan jazǵanynda bolyp otyr. Túrkııada Prezıdent N.Nazarbaev óte jaqsy tanymal. Degenmen, Túrkııa batys áleminiń de bir bóligi bolyp taby­la­dy jáne Djonatan Aıtken myr­zanyń kitaby túrik oqyrmandaryna N.Nazarbaevty jáne Qazaqstandy basqa bir mańyzdy jaǵynan – ba­tys­tyq qyrynan kórýge kómek­tesedi”, – dep atap ótti. Kitaptyń avtory Dj.Aıtken ki­taptyń túrik tiline aýdarylǵanyna qýanyshyn jetkize otyryp, N.Na­zarbaev týraly kitapty qolyna alýynyń basty sebepterine qys­qa­sha toqtaldy. “Birinshiden, meni N.Nazarbaevtyń tańqaldyrarlyq ómir joly óte qyzyqtyrǵanyn aı­týyma bolady. Bul – kishkene aýyldan bastalyp, Qazaqstan men Ortalyq Azııadaǵy N.Nazarbaevtyń búgingi ornyna deıin ákeletin jol. Ekinshiden, Qazaqstan basshysynyń dıplomatııalyq óneri men sheber­ligi. Qazaqstan táýelsizdik alǵan jyldary barlyq kórshilerimen shekarasy bekitilmegen memleket edi. Bir memlekettiń eshbir qaqty­ǵys­syz shekarasyn bekitýi ońaı nár­se emes, degenmen, Qazaqstan ózi sekildi jańadan táýelsizdikke qol jetkizgen kórshi eldermen qa­tar, Reseı, Qytaı sekildi iri memlekettermen de shekarasyn nyq bekitip, halyqaralyq sahnada óziniń ornyn taba bildi. Úshinshiden, N.Nazarbaevtyń saıası karerasy. Sonaý Dj.Kennedı men N.Hrý­shev­tiń kezinen bastaý alǵan álemdegi bir­den-bir saıasatker desem jazbaı­tyn shyǵarmyn. Dál sol kezde endi ǵana komsomolǵa kirip, saıasatqa qadam basqan jas jigit N.Nazarbaev saıasatker retinde qalyptasyp, saıa­sı karerasy búgingi kúnge deıin jal­ǵasyp kele jatyr. Bul oqı­ǵa­lardyń qyzyqtyratyny sózsiz”, – dedi Dj.Aıtken. Túrkııanyń belgili “Túrik oshaq­tary” qoǵamdyq uıymy bas hat­shysy O.Kavýndjý atalǵan uıym tarapynan N.Nazarbaevqa “Túrki álemine qyzmet” marapaty berilip, osy uıym jýrnalynda Qazaqstan men Prezıdent N.Nazarbaevqa arnalǵan 9 maqala jaryq kórgenin, son­daı-aq N.Nazarbaev eskert­ki­shi­niń Ankaranyń baıyrǵy da kórkem “Jastar” saıabaǵyna ornatylǵanyn atap ótti. Qazaqstan Prezıdentine osyndaı qurmet, birinshiden, túrki álemin biriktirý, ekonomıkalyq jáne mádenı salalardy tyǵyz baı­lanystyrý jolyndaǵy eńbegine baı­lanysty bolsa, ekinshiden, N.Na­zarbaevty Qazaqstandy birtu­tas memleket retinde qalyptas­ty­ryp, eldiń keleshegin kelisti etý jo­lyndaǵy mańyzdy isteri úshin qurmetteıtindikterin bildirdi. O.Kavýndjý: “Túrkııa Prezıdenti A.Gúldiń sózderimen aıtqanda, Pre­zıdent N.Nazarbaev “túrkitildes halyqtardyń kóshbasshysy” jáne kóp etnosty Qazaqstanda etnostyq qaqtyǵystarǵa jol bermegen kóshbasshynyń jetistigi úshin barlyq adamzat atynan oǵan alǵys bildirý qajet”, – dedi. “Dıalog–Eýrazııa” tuǵyrnama­sy­nyń bas úılestirýshisi H.Tokak Qazaqstan Prezıdenti baısaldy saıa­sat júrgizýiniń arqasynda Orta­lyq Azııa men búkil álemdegi úlgili kóshbasshyǵa aınalǵanyna nazar aýdardy. Ol óz sózinde: “Qa­zaq­stan­daǵy kópultty halyq­tyń – 130 ult ókilderiniń máde­nıetin birlik, dostyq, baýyr­mashylyq arqyly qosyp otyrǵan N.Nazarbaev barshamyz úshin kóshbasshylyqtyń úlgisi”, – dep atap kórsetti. Halyqaralyq Qoja Ahmet Iаsaýı qorynyń prezıdenti N.K.Zeı­bek qazaqtardyń túrkitildes halyqtardyń bir bóligi ekendigin jáne túrki áleminiń Ortalyq Azııa­da paıda bolǵanyn, qazaq dala­syn­da erkindik pen táýelsizdiktiń ár­daıym quptalǵanyn, qazaqtyń ór­kendeýi barlyq túrkitildes halyq­tardyń órkendeýi ekendigin atap ótip, “Qazaqstan Elbasy týraly qolyna qalam alyp, ony jaryqqa shyǵarǵan Dj.Aıtkenge úlken alǵy­symyzdy bildiremiz”, – dedi. Son­daı-aq, Qazaqstan basshysynyń álemdik deńgeıdegi osy zamanǵy kóshbasshy ekenine toqtalyp, “N.Nazarbaev zamanymyzdyń Atatúrki” dep málimdedi. Belgili saıasatker, ǵylym adamy jáne burynǵy Memlekettik mı­nıstr A.Andıjan “Álemdik kósh­bas­shy uǵymy – qoǵamnyń tarıhı baǵasy men saıasatkerge degen alǵy­synyń jemisi. Meniń kózqarasym boıynsha, túrki áleminde N.Nazar­baevtyń saıasat sahnasynda joǵary kóterilýi tarıh betterinde izin qaldyrady” degen oı tastady. Kitaptyń tusaýkeseriniń sońyn­da Dj.Aıtken qoltańbasyn tara­typ, túrik tilshilerine suhbat berdi.