Bul jádigerdi atalǵan mýzeıge Mustafa Shoqaıdyń týysy Gúlbarshyn Zaırova bergen. Jádigerdiń tarıhy tereńde. Uzaq jyldar boıy otbasylyq foto-albom Mustafa Shoqaıdyń kómegimen tutqynnan aman qalyp, Marııa Shoqaıdyń rýhanı perzenti bolǵan belgili skrıpkashy Álim Almattyń (Ǵalymjan Ábsálıamov) qolynda saqtalyp kelgen. Keıinnen ol bul murany mustafatanýshy Baqyt Sadyqovaǵa amanattaǵan, al zertteýshi óz kezeginde jádigerdi Gúlbarshyn Zaırovaǵa tapsyrǵan eken.
«Bul jádiger soǵys jyldary tutqynda bolyp, Mustafa Shoqaıdyń arqasynda aman qalǵan, Marııam anamyzdy soǵystan soń panalap, rýhanı perzentine aınalǵan skrıpkashy Álim Almattyń (Ǵalymjan Tileýqabyl) qolynda kóp jyldar saqtalǵan. Elimiz Táýelsizdik alǵannan keıin Álim Almat elge kelip, Mustafanyń jazý mashınkasyn, «Iаsh Túrkistan» gazeti tusynda qoldanǵan úsh túrli mórin, úılený portreti men albomdy mustafatanýshy Baqyt Sadyqova apamyzǵa amanattaǵan. 2022 jyly osy albom maǵan senip tapsyryldy. Al 2025 jyldyń 25 jeltoqsanynda, Mustafa Shoqaıdyń 135 jyldyǵynda, Astana qalasyndaǵy Ulttyq mýzeıde óz ornyn tapty. Tarıhqa qurmet – bolashaqqa amanat», dep jazdy Gúlbarshyn Zaırova.
