Ádilettilik jáne transformasııalyq kóshbasshylyq

Suhbatty muqııat zerdeleı otyryp, onda qysqa merzimdi naýqan­dardyń emes, uzaq jyldar boıy júrgizilgen júıeli reformalar men tereń analıtıkalyq taldaý nátı­jesiniń jatqany ańǵarylady. Mem­leket basshysy usynǵan «Ádiletti Qazaqstan» konsepsııasy – jaı ǵana uran emes, qoǵamnyń árbir salasyn qamtıtyn aýqymdy transformasııa. Alaıda mundaı tereń ózgeristerdi júzege asyrý úshin tek saıası erik jetkiliksiz, transformasııalyq kóshbasshylyq qajet.

Transformasııa degenimiz – úırenshikti eski joldan bas tartyp, buryn eshkim júrip ótpegen jańa soqpaqqa túsý. Bul – máseleni jasyrmaı, shynaıy ahýaldy ashyq aıtý jáne el bolashaǵy úshin tabandylyq tanytý. Memleket basshysynyń suhbatynan biz dál osyndaı jaýap­kershilikti sezindik.

Men oblystyq máslıhat depýtaty retinde óńirlerdi aralaǵanda halyq­tyń muń-muqtajyn jıi tyń­daımyn. Táýelsizdiktiń otyz jylynda qordalanǵan ınfraqurylymdyq máselelerdiń búginde kezeń-kezeńi­men sheshilip jatqanyna kýámin. Prezıdent yqpaldy toptardyń arzan urandarmen jeńil jetistikke jetý áreketterin synǵa aldy. Shyn máninde, naqty jumys uzaqmerzimdi qajyrly eńbekti talap etedi.

Mundaı jaǵdaıdy biz óz ýnıver­sıtetimizdiń mysalynda da kór­dik. Qyzmetke kelgen kezimizde oqý ornynyń materıaldyq bazasy men ınfraqurylymy ábden tozǵan edi. Keıingi bes jylda júrgizilgen júıeli jumystyń nátıjesinde 15 ǵımarattyń shatyry jańartylyp, qazandyqtar aýystyryldy, botanı­kalyq baqqa tas jol tóselip, qala­shyq aýmaǵyndaǵy asfalt jańar­tyldy. Bul ózgerister eldegi jańa saıa­­­sı ustanymnyń, memlekettik me­ke­me­­ler tarapynan kórsetilgen shy­na­ıy qoldaýdyń arqasynda júze­ge asty. Halyqpen kezdesýlerde «bári­bir oryndalmaıdy» degen kúmán­men qaraǵan azamattardyń búginde naq­ty nátıjeni kórip, senimi oıan­ǵa­nyn kórý – biz úshin úlken mártebe.

Prezıdent 2026 jyldy «Sıfr­landyrý jáne jasandy ıntellekt jyly» dep jarııalaýy tegin emes. Bul – zamanaýı tehnologııalar ar­qyly ekonomıkalyq transforma­sııa­­ny jedeldetýdiń tóte joly. Iаsaýı ýnıversıteti de bul baǵytta qalys qalmaı, jasandy ıntellekt sa­lasynda irgeli jobalardy bas­tap ketti. О́ńirdegi mekemeler­men ja­salǵan memorandýmdar ǵyly­mı zert­teýlerdiń praktıkalyq qolda­nysqa ıe bolýyna múmkindik berip jatyr.

Qoryta aıtqanda, bul suhbat bizge tek aqparat berip qoımaı, úlken senim men jiger syılady. Ádiletti júıe qurý jolyndaǵy reformalar sabyr men qoǵamdyq qoldaýdy qajet etedi. Eger bul jol jeńil bolsa, ony áldekimder áldeqashan júrip óter edi. Qazirgi mindet – kúndelik­ti aq­pa­rattyq shýǵa ermeı, eldiń strate­gııa­lyq maqsattaryna jumylý. О́tken­niń qateliginen sabaq ala otyryp, bolashaqqa nyq qadam basý – Ádiletti Qazaqstannyń basty baǵdary bolmaq.

Janar TEMIRBEKOVA,

Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń rektory