Foto: ashyq derekkózden
О́ńirdegi kitaphanalarǵa joldanǵan kitaptar arasynda «Shoqan. Erek týǵan fenomen» fotoalbomi, Abaı Qunanbaıulynyń 180 jyldyǵyna arnalǵan eńbekter, «Baqytsyz Jamal» shyǵarmasy, sondaı-aq Ilııas Esenberlın, Jumeken Nájimedenov, Qadyr Myrza Áli jáne Tumanbaı Moldaǵalıevtiń shyǵarmalar jınaǵy bar.
Aıta keteıik, Halyqaralyq yntymaqtastyq aıasynda Italııa tarapynyń qoldaýymen Shoqan Ýálıhanov týraly kitaptyń ıtalıan jáne aǵylshyn tilderine aýdarylǵan nusqasynyń tanystyrylymy Rım qalasynda ótti.
«Mádenıet jáne aqparat mınıstrligi elimizdiń Maındaǵy Frankfýrt qalasynda ótken eń iri halyqaralyq kitap jármeńkesine ekinshi ret qatysýyn da qoldady. Kórmede ulttyq pavılon uıymdastyrylyp, mereıtoılyq basylymdar, sonyń ishinde jeti tilge aýdarylǵan «Abaıdyń qara sózderi. Urpaqqa Ulaǵat» atty eńbegi tanystyryldy. Al «Baqytsyz Jamal» romany ulttyq prozanyń alǵashqy týyndylarynyń biri retinde halyqaralyq deńgeıde joǵary baǵaǵa ıe boldy», delingen mınıstrlik taratqan habarlamada.
Qazaq ádebıetin nasıhattaý jumysy el ishinde de jalǵasyp jatyr. Mınıstrlik ókilderi Beıjiń men Gýanchjoý qalasynda ótken halyqaralyq kitap kórmelerine qatysyp, klassıkter men qazirgi zaman avtorlarynyń shyǵarmalaryn tanystyrdy.
Antıkadan Astanaǵa deıin: kitaphanalar qalaı jańartylyp jatyr?
Jas jazýshylardy qoldaýǵa erekshe kóńil bólindi. Mınıstrlik pen Qazaqstan Jazýshylar odaǵy arasyndaǵy strategııalyq seriktestik aıasynda jańa avtorlar býynyn qalyptastyrýǵa baǵyttalǵan úsh aýqymdy joba júzege asty. Nátıjesinde 35 kórkem jáne ǵylymı-tanymdyq jınaq jaryq kórip, kitaphanalarǵa jetkizildi.
