Foto: TJM baspasóz qyzmeti
Shymbulaqqa kún saıyn 15 myńnan astam demalýshy keledi. Taý-shańǵy trassalarynyń kúrdeliligi men týrıster aǵynyn eskersek, tótenshe jaǵdaıǵa jedel áreket etý sheshýshi mánge ıe.
Jańa bólimshe «3 in 1» qaǵıdatymen jumys isteıdi. Onyń quramyna kásibı órt sóndirýshiler, qutqarýshy-alpınıster jáne Apat medısınasy ortalyǵynyń dárigerleri kirgen.
«Mundaǵy basty mindet – kásibı qutqarýshylardyń táýlik boıy kezekshiligin qamtamasyz etý. Azamattar men týrısterdiń qaýipsizdigi – jumysymyzdyń negizgi basymdyǵy», dedi Shyńǵys Árinov.
Eki qabatty keshen tolyq avtonomdy. Onda jeke jylý toraby, tehnıkalarǵa arnalǵan bokstar, medısınalyq blok jáne oqý synyptary bar. Ǵımarat qatal taýly klımatqa beıimdelip salynǵan.
Qutqarýshylardyń qaramaǵynda bıik taýly jaǵdaıǵa laıyqtalǵan alty arnaıy tehnıka bar. Atap aıtqanda, qarda júretin kólikter men motovezdehodtar, kvadrosıklder, órt sóndirý avtosısternasy jáne jedel medısınalyq járdem kóligi.
Buǵan deıin qysqy maýsymǵa arnalǵan eń úzdik týrıstik nysandardy ataǵan edik.
