Qazaqstan Respýblıkasy Mádenıet jáne sport mınıstrliginiń buıryǵy  №112 

2015 jylǵy 27 naýryz, Astana qalasy Ulttyq mádenı ıgilik obektileriniń memlekettik tizilimin júrgizý  qaǵıdalaryn bekitý týraly «Mádenıet týraly» 2006 jylǵy 15 jeltoqsandaǵy Qazaqstan Respýblıkasy Zańynyń 7-babynyń 21-1) tarmaqshasyna sáıkes buıyramyn: 1. Qosa berilip otyrǵan Ulttyq mádenı ıgilik obektileriniń memlekettik tizilimin júrgizý qaǵıdalary bekitilsin. 2. Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamenti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń memlekettik tirkelýinen keıin on kúntizbelik kúnniń ishinde merzimdi baspa basylymynda jáne «Ádilet» quqyqtyq-aqparattyq júıesinde resmı jarııalanýǵa joldanýyn; 3) osy buıryq resmı jarııalanǵannan keıin Qazaqstan Respýblıkasy Mádenıet jáne sport mınıstrliginiń ınternet-resýrsynda ornalasýyn; 4) osy tarmaqta kózdelgen is-sharalardyń oryndalýy týraly málimetterdi osy is-sharalar oryndalǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Mádenıet jáne sport vıse-mınıstri Ǵ.A. Ahmedıarovqa júktelsin. 4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr A. MUHAMEDIULY. Qazaqstan Respýblıkasy Mádenıet jáne sport mınıstriniń 2015 jylǵy 27 naýryzdaǵy № 112 buıryǵymen bekitilgen Ulttyq mádenı ıgilik obektileriniń memlekettik tizilimin júrgizý qaǵıdalary 1. Jalpy qaǵıdalar 1. Osy Ulttyq mádenı ıgilik obektileriniń memlekettik tizilimin júrgizý qaǵıdalary (budan ári – Qaǵıdalar) Ulttyq mádenı ıgilik obektileriniń memlekettik tizilimin (budan ári – Memlekettik tizilim) júrgizý tártibin anyqtaıdy. 2. Memlekettik tizilim ulttyq mádenı ıgilik obektileri (budan ári – UMIO) saqtaý jáne olarǵa erekshe rejımin berý maqsatynda júrgiziledi. 3. Memlekettik tizilimge eldiń tarıhy men mádenıeti úshin aıryqsha mańyzdy UMIO jaıly málimetter engiziledi. 2. Memlekettik tizilimdi júrgizý tártibi men sharttary 4. Memlekettik tizilimdi memlekettik jáne orys tilderinde, qaǵaz jáne elektrondy nusqada, osy Qaǵıdalardyń qosymshasyna sáıkes nysan boıynsha mádenıet salasyndaǵy ýákiletti organ (budan ári – Ýákiletti organ) júrgizedi. 5. Memlekettik tizilimge málimetter mynadaı negizde engiziledi: 1) oblystyń, respýblıkalyq mańyzy bar qalanyń men astananyń jergilikti atqarýshy organdarynyń (budan ári – JAO) UMIO týraly málimetteri kórsetilgen hattary; 2) jeke tulǵanyń UMIO týraly málimetteri kórsetilgen qoldaý hattary; 3) zańdy tulǵanyń UMIO týraly málimetteri kórsetilgen qoldaý hattary. 6. Osy Qaǵıdalardyń 5-tarmaǵynda kórsetilgen hatta jáne qoldaý hatta kelesi málimetter kórsetiledi: 1) UMIO tolyq ataýy; 2) UMIO sıpattamasy; 3) UMIO jasalǵan kúni; 4) UMIO málimetteri; 5) UMIO shyǵý tegi; 6) UMIO ornalasqan jeri; 7) UMIO fotosýreti. 7. Eger osy Qaǵıdalardyń 5-tarmaǵynda kórsetilgen qujattar osy Qaǵıdalardyń 6-tarmaǵynda kórsetilgen málimetterge sáıkes kelmese nemese UMIO erekshe mańyzdylyǵyn anyqtaýǵa onyń sıpattamasy jetkiliksiz bolǵan jaǵdaıda, ýákiletti organ JAO, jeke jáne zańdy tulǵalarǵa UMIO týraly jetkiliksiz málimetterdi berý qajettiligi jaıly suraý jiberedi. 8. Ýákiletti organ osy Qaǵıdalardyń 5-tarmaǵynda kórsetilgen qujattardy otyz jumys kúni ishinde qarastyrady. 9. Osy Qaǵıdalardyń 5-tarmaǵynda kórsetilgen qujattardy qarastyrý úshin ýákiletti organ turaqty jumys júrgizetin saraptamalyq komıssııa qurady. Saraptamalyq komıssııa quramyna ýákiletti organnyń tıisti bólimderiniń qyzmetkerleri, ǵalymdar jáne tarıh, mádenıet, arheologııa, paleontologııa, etnografııa, beıneleý jáne halyqtyq qoldanbaly óner salalarynyń bilikti mamandary enedi. Saraptamalyq komıssııanyń tóraǵasy bolyp ýákiletti organnyń ókili sanalady. Saraptamalyq komıssııanyń sheshimderi onyń otyrysyna qatysqan saraptamalyq komıssııa músheleriniń jalpy sanynyń kópshilik daýysymen ashyq daýys berý arqyly qabyldanady. Daýystar teń bolǵan jaǵdaıda saraptamalyq komıssııa tóraǵasynyń daýysy sheshýshi bolyp tabylady. Saraptamalyq komıssııa UMIO-nyń el tarıhy jáne mádenıeti úshin aıryqsha mańyzdylyǵy, ne mańyzynyń joqtyǵy jaıly sheshim qabyldaıdy, ony hattamamen rásimdeıdi. 10. Saraptamalyq komıssııanyń hattamasynyń negizinde ýákiletti organ osy Qaǵıdalardyń 8-tarmaǵynda kórsetilgen merzim ishinde kelesi sheshimderdiń birin qabyldaıdy: 1) Memlekettik tizilimge UMIO jaıly málimetterdi engizý; 2) UMIO el tarıhy jáne mádenıeti úshin erekshe mańyzdy bolmaǵandyqtan, Memlekettik tizilimge engizilmeıdi. 11. UMIO Memlekettik tizilimnen shyǵarý UMIO-nyń tolyq túgel joıylǵandyǵy týraly nemese onyń el tarıhy jáne mádenıeti úshin erekshe mańyzy bolmaı qalǵandyǵy jaıly JAO-nyń haty nemese jeke jáne zańdy tulǵalardyń qoldaý hattary negizinde iske asyrylady. 12. Qazaqstan Respýblıkasynyń memlekettik organdarynyń suraýy, jeke jáne zańdy tulǵalardyń ótinishteri boıynsha ýákiletti organ Memlekettik tizilimge engen nemese shyǵarylǵan UMIO týraly málimetterdi beredi. Ulttyq mádenı ıgilik obektileriniń memlekettik tizilimin júrgizý qaǵıdalaryna qosymsha Nysan Ulttyq mádenı ıgilik obektileriniń memlekettik tizilimi Rs № UMIO ataýy UMIO sıpattamasy (qysqa sıpattamasy, shyǵý tegi) UMIO jasalǵan kúni UMIO málimetteri (materıaldyń ataýy, qólemi, salmaǵy, sany) UMIO ornalasqan jeri UMIO fotosýreti Tizilim nómiri Basqa málimetter 1 2 3 4 5 6 7 8 9 Eskertpe: UMIO - ulttyq mádenı ıgilik obektileri Buıryq Qazaqstan Respýblıkasynyń Ádilet mınıstrliginde 2015 jylǵy 6 mamyrda Normatıvtik quqyqtyq kesimderdi memlekettik tirkeýdiń tizilimine №10967 bolyp engizildi.