Prezıdent birneshe mańyzdy kodeks pen zańǵa qol qoıdy

Memleket basshysy Qazaqstan Respýblıkasynyń Qurylys kodeksi men Sıfrlyq kodekske qol qoıdy.

Sondaı-aq Prezıdent «Qazaqstan Respýblıkasynyń keıbir zańnamalyq aktilerine sáýlet, qala qurylysy jáne qurylys máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıǵany jarııalandy.

Búgin «Qazaqstan Respýblıkasynyń keıbir zańnamalyq aktilerine sıfrlandyrý, kólik jáne kásipkerlik máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna da qol qoıyldy.

Memleket basshysy «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.

Kodekster men Zańdardyń mátini baspasózde jarııalanady.

Buǵan deıin Prezıdent 2026 jyldy Sıfrlandyrý jáne JI jyly dep jarııalaý týraly jarlyqqa qol qoıǵanyn habarlaǵanbyz.

Eske salaıyq, 5 qańtar kúni Prezıdent Qasym-Jomart Toqaev «Turkistan» gazetine keń kólemdi suhbat berdi. Onda ol kólik jáne logıstıka salasyn damytý Qazaqstan úshin strategııalyq mańyzy bar basymdyq ekenin atap ótti. 

Qasym-Jomart Toqaev Nursultan Nazarbaevtyń Vladımır Pýtınmen kezdesýleri beıresmı sıpatqa ıe ekenin aıtty. Sondaı-aq Prezıdent sońǵy jyldary tarıh­ty talqylaý sánge aınalǵanyn sóz etti. Túrli pod­kast­tar, fılmder, maqalalar men kitap­tar shyǵyp jatqanynan habardar ekenin jetkizdi. 

Qasym-Jomart Toqaev Qańtar oqıǵasyna qatysqan azamattarǵa baılanysty sot prosesteri men tergeý jumystary jóninde pikir bildirdi. Memleket basshysy bul taqyrypqa qatysty negizgi derekter áldeqashan belgili bolǵanyn aıtyp, keıbir sot isteri men urlanǵan qarýdy izdestirý jumystary áli de jalǵasyp jatqanyn málimdedi.